| e-texts navigator |
| Wylie |
105b1 ཆེན་ཏེ།། བདེ་བར་མཆོད་ནས་ཉེ་བར་བཞག། གཟུགས་བརྙན་གསང་བའི་དཀྱིལ་འཁོར་དེ།། ཆགས་པ་བདེ་བའི་ས་བོན་ཞིང་།། འདོད་པའི་ཡུལ་དུ་གདབ་པར་བྱ།། གཉིས་མེད་ཡེ་ཤེས་ཀློང་དུ་འཆར།། འདོད
105b2 ཆགས་སྲེག་པའི་མེ་ཡིན་ཏེ།། རྡོ་རྗེ་རླུང་གི་སྙིང་པོ་བསྐུལ།། དབྱིངས་ཕྱུག་འཁོར་ལོ་མེ་ཡི་བསྲོ།། ཐིག་ལེ་རྫོགས་པ་ཕྱེད་ནས་བསྐུལ།། རྩ་མདུད་དངས་མེས་རྒྱས་འགྱུར་ན།། ཇི་ལྟར་འདོད་པ་བདེ་བ་འབྱུང་།། ཡེ
105b3 ཤེས་འདྲེས་པའི་ཐིག་ལེ་ཅན།། དབུགས་རྔུབ་བསྡུ་བའི་མན་ངག་སྦྱིན།། རྡོ་རྗེ་འཛིན་པའི་རིག་འཛིན་ཡིན།། ཏིང་འཛིན་འབར་བའི་དཀྱིལ་འཁོར་དུ།། སེམས་དཔའི་བསྟན་པ་ལུང་ཕོག་སྟེ།། གནས་མེད་དཀྱིལ
105b4 འཁོར་དམ་པར་བཞུགས།། དེ་ཉིད་དཀྱིལ་འཁོར་དེར་ཞུགས་ནས།། རང་བཞིན་དཀྱིལ་འཁོར་ལ་གསལ་དུ།། དོན་གྲུབ་ལས་ཀྱི་དབང་བསྐུར་ཏེ།། རྒྱལ་ཚབ་སྐྱེས་བུའི་སར་བཞག་ནས།། འབུམ་ཕྲག་གསུམ་གྱི
105b5 བསྟན་པ་བསྒྲགས།། ཆོས་ཀྱི་འཁོར་ལོ་གསུམ་གསུངས་ཏེ།། བཅོས་མའི་སྦྱོར་བ་འདི་ཡིས་ནི།། རྣལ་མའི་དངོས་གྲུབ་རྙེད་མ་ཡིན།། བརྟུལ་ཤུགས་སྤོང་ལེན་བྱེད་པའི་དབང་།། འདི་ཡིས་དེ་ཉིད་མི་ཐོབ་སྟེ།། དཔེར
105b6 ན་སྤྲེའུ་རྒྱལ་པོ་བཞིན།། སྦྱོར་བ་གཞན་གྱི་དངོས་མི་འགྱུར།། འདི་དག་བཅོས་མའི་སྦྱོར་བ་སྟེ། སྨིན་ཀྱང་འབྲས་བུ་མི་འགྲུབ་སྟེ།། བིམ་པ་ར་ཡི་འབྲས་བུ་བཞིན།། བཅོས་མའི་སྦྱོར་བས་དངོས་མི་འགྱུ།། བཱ་ར་ཎ
iiif viewer powered by OpenSeadragon
