| e-texts navigator |
| Wylie |
104b1 རྟགས་ཡིད་སྨོན་དབང་བསྐུར་ཡང་།། རང་བཞིན་ལམ་དང་འཕྲད་མི་འགྱུར།། བཅོས་མའི་སྦྱོར་བ་ཡན་ལག་གཞན།། རྣལ་འབྱོར་ནང་གི་རྟགས་བརྟག་པ།། བརྟུལ་ཤུགས་སྤྱོད་པ་གཙོར་བླངས་ནས།། གཉེན་པོའི
104b2 སྦྱོར་བ་གཙོར་བཞག་སྟེ།། བླང་དོར་འཛིན་པའི་སེམས་ཀྱིས་སུ།། མཉམ་ཉིད་རྡོ་རྗེའི་ཚིག་ལ་གནས།། ལག་ན་རྡོ་རྗེའི་བརྟུལ་ཤུགས་ཀྱིས། སེམས་དཔའ་རྡོ་རྗེ་ཆེ་ལ་གནས།། བློ་དང་མཐུན་པའི་དོན་བསྒྲགས
104b3 ཏེ།། སུམ་ཅུ་རྩ་གསུམ་ལྷ་ཡི་གནས།། ཆོས་བཟངས་ལྷ་ཡི་ཕོ་བྲང་དུ།། མཆོད་སྡོང་གཙུག་གི་མེ་ཏོག་དང་།། རྡོ་རྗེ་གསང་བའི་མེ་ཏོག་དང་།། ལྷ་མོ་བརྒྱད་ཀྱི་མེ་ཏོག་གིས།། རྡོ་རྗེ་འཛིན་ལ་མངོན་གཏོར་ཏེ།། དགྱེས
104b4 པས་ཕོག་སྟེ་འཛུམ་པ་ཡིས།། མདངས་ཀྱི་བལྟས་ཏེ་དཀྱིལ་འཁོར་ཡང་།། སྣོད་དང་འཚམས་པ་རིམ་པར་སྦྱར།། དད་དང་ལྡན་པའི་མོས་པ་ཅན།། སྨོན་པའི་སྦྱོར་བ་དེས་འཕངས་པ།། དེ་བ་མ་ཧཱ་ཤྲི་ཅན་དང་།། བརྒྱ
104b5 བྱིན་འཁོར་གྱི་བུ་ཐུ་བོ།། ལྷ་ལྔ་རིགས་དང་མཉམ་སྦྱར་བས།། གཟུགས་བརྙན་དཀྱིལ་འཁོར་མངོན་དགའ་བའི།། ཡེ་ཤེས་གཟུགས་བརྙན་མངོན་ཤར་བ།། བུམ་པའི་དབང་བྱིན་སྲས་བུ་བྱས།། མི་ལྡོག་ས་ལ་དེ་ནས
104b6 བཀོད།། དེ་ནས་འཁོར་གྱི་གཙོ་བོ་ཡིས།། གནང་བ་ཞུས་ཏེ་བཀའ་བཞིན་སྒྲུབ།། སྣོད་བཅུད་རྟག་པ་ཐོས་བསམ་གྱིས།། གྲོལ་བའི་ཏིང་འཛིན་སྦྱོར་བ་སྐྱེད།། ལྡང་བའི་སེམས་ཀྱི་དེས་སྐྱེད་ནས།། གསང་བའི་ཡེ་ཤེས
iiif viewer powered by OpenSeadragon
