| e-texts navigator |
| Wylie |
104a1 ཡིས།། ལག་མཐིལ་གཙང་མའི་དྲིས་བྱུགས་ནས།། རིགས་གསུམ་སྟོབས་ཀྱི་དཀྱིལ་འཁོར་བྲིས།། དམ་པ་གསུམ་ལ་དག་པར་བསྟན།། འཕྲུལ་གྱི་མེ་ལོང་དགུ་བཀྲམ་སྟེ།། དམིགས་པས་དངོས་པོའི་རྟོག
104a2 པ་སྤང་།། ལྷ་ཡི་མངོན་རྟགས་ལག་ཏུ་གཏད།། གང་བའི་ས་ལ་ངེས་བཀོད་དེ།། དེ་ཡང་བཅོས་མའི་སྦྱོར་བ་ཡིན།། རིན་ཆེན་ལྷུན་གྲུབ་བརྩེགས་པའི་ཁང་།། རི་བོ་འབར་བའི་རྩེ་མོ་ལ།། དཔལ་འབྱུང་ལག་ན་རྡོ་རྗེ
104a3 ཡིས།། རྡོ་རྗེ་དབྱིངས་ཀྱི་དཀྱིལ་འཁོར་འབར།། རང་བཞིན་དཀྱིལ་འཁོར་སྔོན་དུ་བྱུང་།། དམ་པ་ལྔ་ལ་སྔོན་དུ་བསྟན།། ལྷ་བྲག་རྡོ་རྗེའི་རྫོང་ཕུག་ཏུ།། གཙང་མའི་རིག་འཛིན་གྲལ་ལ་འཁོད།། དེ་ཡང་བཅོས་མའི
104a4 དཀྱིལ་འཁོར་ཡིན།། ཏིང་འཛིན་སྨོན་པའི་སྦྱོར་བ་སྟེ།། དབང་རྟགས་སྦྱོར་བས་ང་རྒྱལ་སྨིན།། མཉམ་ཉིད་ལྟ་བའི་ཚིག་འཛིན་ཅིང་།། སྤྱོད་པ་སྙམ་པའི་ཚིག་ལས་འདས།། དམ་ཚིག་ལྡན་པའི་ལམ་གཞི་ཅན།། ལྟ
104a5 དང་དགོད་དང་འཁྱུད་པ་ཡིས།། སྦྱོར་བའི་དམ་ཚིག་བསྟན་པ་ཡིན།། ཞིང་བཅས་བསྒྲལ་བའི་གནས་རྣམས་ནི།། ལྷ་རུ་སྒྱུར་དང་གཙོ་བོས་བསྒྲལ།། བདག་གི་ཏིང་འཛིན་སྦྱོར་བ་ཡིས།། བསྒྲལ་བས་སྤྱོད་པའི་དམ
104a6 པར་འདོད།། ཕྱི་བའི་རྣལ་འབྱོར་ཏིང་འཛིན་རྣམས།། རིམ་པ་ཇི་བཞིན་མངོན་འདོད་དེ།། ལྷ་དང་བཅས་པའི་ཡན་ལག་རྣམས།། ཏིང་འཛིན་སེམས་ཀྱི་སྨོན་པ་སྟེ།། བཅོས་མའི་དཀྱིལ་འཁོར་ལ་བརྟེན་ནས།། ཕྱི
iiif viewer powered by OpenSeadragon
