| e-texts navigator |
| Wylie |
103b1 བསླང་།། མཚན་མ་ཐབས་ཀྱིས་བརྟན་བྱས་ཏེ།། མཚོན་པ་སྐུ་ཡི་རྒྱན་ལྡན་བྱས།། བདེ་གཤེགས་ཞིང་ཁམས་ཀུན་དུ་བསྒྲགས།། རྡོ་རྗེ་བུམ་པ་ན་བཟའ་དང་།། རང་རྟགས་ཕྱག་རྒྱའི་དབང་བསྐུར་ཏེ།། རིག་པ་མཆོག
103b2 གི་དབང་རྣམས་བསྐུར།། འདོད་ལ་མོས་པའི་ཚིག་ཡིན་པས།། ང་རྒྱལ་བདེ་བའི་མཚན་མ་མཐོང་།། རྒྱལ་པོ་ཕྱི་ཡི་རྟགས་ཅན་ལ།། ལྷ་དང་ཡི་གེ་མངོན་འདོད་པའི།། སྟོང་ཉིད་རྣལ་འབྱོར་མཚན་མ་ཅན།། དངོས་པོ
103b3 གཉིས་ཀྱི་ལྟ་བས་བཅིང་།། བདེ་བ་ཆེན་པོ་སྲོག་དང་བྲལ།། བཀའ་རྟགས་དགུ་དང་བཅོ་ལྔ་ཡིས།། ལུས་སེམས་རྟོགས་པའི་ང་རྒྱལ་སྐྱེད།། ཏིང་འཛིན་སེམས་ཀྱི་སྨོན་པ་འདིས།། དངོས་པོ་སྨན་དང་སྔགས་སྦྱར
103b4 གྱིས།། འཇིག་རྟེན་གསུམ་གྱི་བྱ་བ་བསྟན།། དོན་དང་སྤྱད་པ་མི་མཐུན་ཡང་།། བློ་ཡི་རིམ་པ་དྲང་བ་དང་།། ཐབས་ཀྱི་བདག་པོར་དབང་བསྐུར་བས།། གཙང་མའི་ལག་ན་རྡོ་རྗེ་དང་།། དཔལ་འབྱུང་ལག་ན་རྡོ་རྗེ
103b5 དང་།། དཔའ་བརྟུལ་སྟོབས་ཀྱི་རྡོ་རྗེར་སྤྲུལ།། རིགས་གསུམ་རིགས་བཞི་རིགས་ལྔ་དང་།། དེ་བཞིན་རིགས་གཅིག་རིགས་སྟོང་དང་།། འདོད་པའི་ལྷ་རུ་ང་སྤྲུལ་ཏེ།། བློ་དང་མཐུན་པའི་བསྟན་པ་བྱིན། ཁ་བློན་ཆེན
103b6 པོ་སྒྱུར་ཚིག་དང་།། བཱ་ར་ཎ་སཱིའི་ཚོས་མ་བཞིན།། སྙིགས་མའི་ཞིང་འདུལ་དེ་བཞིན་ནོ།། འདི་རྒྱུད་པ་ཡི་སྦྱོར་བ་སྟེ།། དངོས་འཛིན་རྟོག་པ་སྤང་བར་བྱ།། བཱ་ར་ཎ་སཱིའི་བསིལ་ཁང་དུ།། གཙང་མའི་ལག་ན་རྡོ་རྗེ
iiif viewer powered by OpenSeadragon
