| e-texts navigator |
| Wylie |
103a1 འགྱུར་གྱི།། བདེན་པ་གཏན་ལ་ཕེབས་འགྱུར་ཏེ།། བདེན་པ་བཞི་ལ་རིམ་གྱིས་སྦྱར།། ཡུན་དང་བཅས་པ་དེ་བཞིན་བྱ།། སྡུག་བསྔལ་ན་བའི་རྒྱུན་ལ་བྱ།། ཡིད་བརྟན་འཛིན་པ་བཟློག་པ་ཡིན།། སྟོང་པའི
103a2 དངོས་པོ་དེ་ཉིད་ཡིན།། བདག་མེད་དམིགས་དང་བྲལ་བས་སོ།། རིམ་གྱི་ཁ་ཟས་བྲལ་བྱས་ཏེ།། ཟླ་བ་གསུམ་འགྱུར་ཚུན་ཆད་དོ།། ཟག་པ་ཟད་ནས་དབུགས་ཀྱི་དགང་།། དབུགས་དང་ལྟེ་བ་སེམས་སུ་བཅས།། ལོ
103a3 གཅིག་བར་གྱི་འདྲེས་པར་དགང་།། དབུགས་ཀྱི་འགྱུ་བའང་དེ་ནས་ཟད།། སེམས་ཀྱི་འཛིན་པ་དེ་ནས་ཉམས།། དུས་དང་འབྲེལ་ནས་རྐྱེན་དབང་བསྐུར།། བྱང་ཆུབ་སེམས་དཔའ་བློ་ཅན་གྱིས།། འདུལ་བའི་སྡོམ་པ
103a4 དམ་མནོས་ཏེ།། བདེན་གཉིས་རྟོགས་པས་ལམ་བསྟན་ཏེ།། སེམས་ཅན་རྒྱུད་ཀྱི་མཚན་རྟོགས་ནས།། ཞི་གནས་འབྲེལ་བའི་གནས་དྲུག་སྦྱར།། ལྷག་མཐོང་གསལ་བའི་སྐབས་གསུམ་བགྲོད།། ཞི་གནས་བརྟན་པའི
103a5 གནས་རྙེད་ནས།། ཏིང་འཛིན་རྣམ་གཉིས་ཟུང་དུ་སྦྲེལ།། སྟོང་པའི་ནམ་མཁའ་དེ་ཉིད་བྱ།། ཟླ་བ་གཅིག་གི་རྟེན་འགྱུར་ནས།། དེ་ཉིད་སྟོང་པར་རྟག་པར་བྱ།། དེ་ཉིད་སྟོང་པའི་རླུང་ཆེན་ལ།། ཕལ་ཆེར་དབུགས་ཆེན
103a6 འབྱིན་པ་སྟེ།། བསྐལ་པ་དུ་མའང་གནས་པ་སྲིད།། སྨོན་ལམ་སྟོབས་དྲག་མྱུར་དུ་འགྲུབ།། སྐུ་བྱིན་ལྡན་པའི་ཕྱག་བརྐྱང་ནས།། ཕྱག་གི་གདུགས་ཀྱིས་བཀབ་ནས་ནི།། ཞི་གནས་རྟེན་པའི་དབྱིངས་ལས
iiif viewer powered by OpenSeadragon
