| e-texts navigator |
| Wylie |
102a1 བའི་མན་ངག་སྦྱིན།། རེ་དོགས་བྲལ་བའི་སེམས་ལ་བསྟན།། འབྱུང་འཇུག་མེད་པའི་སེམས་ལ་ཐིམ།། དྲན་པ་སེམས་ཀྱི་མན་ངག་སྦྱིན།། རྟོག་པ་རླུང་གི་དྲན་སྐྱོད་ཅིང་།། མཚན་མའི་སྤྲོས་པས་འཚོལ་བ
102a2 ལས།། བདེ་བ་ཐིག་ལེའི་མན་ངག་སྦྱིན།། སེམས་ཀྱི་རྣམ་གྲངས་གང་དང་གང་།། དེ་དང་དེ་ཡི་རྗེས་མཐུན་པར།། རྡོ་རྗེ་ཟམ་པ་མ་ཆད་པར།། བླ་མ་རིན་ཆེན་སྲོག་འགྱུར་དེས།། དེ་དེའི་སྒོ་ནས་གཏེར་ཁ་དབྱེ།། དེ
102a3 ཉིད་སྒོ་ཀུན་ཕྱེ་བ་ཡིན། དབྱིག་གི་རྫས་དང་ཕྲད་པ་ཡིན།། དཔེར་ན་ལྷ་ཡི་ནོར་བུ་ལ།། མཎྜལ་རྩེགས་པའི་སྒོ་བཞི་ཡོད།། གང་ནས་ཕྱེ་ཡང་དེ་ཉིད་ཐོབ་པར་འགྱུར།། འདི་ནི་ཐབས་རྒྱལ་རིན་ཆེན་ཏེ།། རྩལ་དང
102a4 བྲལ་བའི་དངོས་གྲུབ་ཡིན།། རྒྱུ་འབྲས་མེད་པའི་མཐར་ཕྱིན་ཡིན།། སྔགས་ཚིག་བྲལ་བའི་ནུས་མཐུ་ཡིན།། ཐ་སྙད་བྲལ་བའི་དོན་མཚོན་ཡིན།། ལས་གཞི་བྲལ་བའི་དོན་གྲུབ་ཡིན།། འཆིང་བྲལ་སྟོན་པས་ལྟ་བ
102a5 ཡིན།། འདའ་བ་མེད་པས་དམ་ཚིག་ཡིན།། རྟོག་འཛིན་སྤངས་པས་སངས་རྒྱས་ཡིན།། ཐམས་ཅད་རོལ་པས་འཁོར་བའང་སྟེ།། ཐེག་པའི་རིམ་པ་མ་ལུས་དང་།། རྒྱལ་བའི་ཐུགས་བཅུད་དངོས་ཀྱང་ཡིན།། ཐམས
102a6 ཅད་གཅིག་དངོས་ཀུན་གྱི་བདག། འདི་ནི་རྒྱལ་བ་ཐམས་ཅད་ཀྱི།། ཐུགས་ཀྱིས་རྣག་པའི་དམ་པའི་ཐབས།། གཅིག་ཏུ་འདུས་པའི་བདེ་ཆེན་ཡིན།། འདི་ལ་ངོས་བཟུང་ཡང་དག་མེད།། ཏིང་འཛིན་སེམས་ཀྱི་རིམ
iiif viewer powered by OpenSeadragon
