| e-texts navigator |
| Wylie |
9a1 འབྱུང་།། ལས་ངན་མཚམས་མེད་བྱེད་པའི་ཚེ།། དེ་ཚེ་ང་ཡི་བསྟན་པ་འབྱུང་།། ཟས་ངན་ལྕི་བ་ཟ་བའི་ཚེ།། དེ་ཚེ་ང་ཡི་བསྟན་པ་འབྱུང་།། གོས་ངན་དུག་རུལ་གྱོན་པའི་ཚེ།། དེ་ཚེ་ང་ཡི་བསྟན་པ
9a2 འབྱུང་།། གནས་ངན་མཁར་སྤྲེའུ་བརྩིག་པའི་ཚེ།། དེ་ཚེ་ང་ཡི་བསྟན་པ་འབྱུང་།། གཉེན་ངན་ཉེ་བ་འཐབ་པའི་ཚེ།། དེ་ཚེ་ང་ཡི་བསྟན་པ་འབྱུང་།། དམ་ཚིག་ཉམས་པ་མང་པོའི་ཚེ།། དེ་ཚེ་ང་ཡི་བསྟན་པ་འབྱུང་།།
9a3 ནི་དུས་གསུམ་འབྱུང་བའི་སྐུ།། རཱུ་ཏྲ་དར་བའི་དུས་ངན་ལ།། རོག་ཏི་ནག་པོའི་རྒྱུད་བྱུང་སྟེ།། རྣལ་འབྱོར་གང་གིས་བསླབ་པ་ལས།། དེ་ལ་རྟག་ཏུ་ཐུགས་བརྩེའོ།། དམ་ཚིག་ཉམས་པ་མང་པོ་ལ།། ང་ཡི་ཀིང་ཀང
9a4 འབེབས་བྱེད་པའོ།། འཕགས་པའི་ནང་ནས་འཇམ་དཔལ་ཉིད།། ལྷ་མོའི་ནང་ནས་འོད་ཟེར་ཅན།། འདི་གཉིས་མ་གཏོགས་དངོས་གྲུབ་གཞན།། རིག་འཛིན་ཀུན་ཀྱང་དངོས་གྲུབ་ཡལ།། ང་ཡི་ལྟོ་ནས་སྲིད་གསུམ
9a5 འབྱིན།། ཇི་ལྟ་བུས་ནི་ཞི་གྱུར་ཡང་།། ཐམས་ཅད་ཞི་བ་ང་ཡི་སྐུ།། ཇི་ལྟ་བུས་ནི་ཁྲོས་གྱུར་ཡང་།། ཐམས་ཅད་ཁྲོས་པ་ང་ཡི་སྐུ།། རྡོ་རྗེ་འཛིན་སོགས་ཁྱོད་ཉོན་ཅིག། ང་ལ་གུས་གྱུར་ཁྱོད་རྣམས་ཀུན།། ང་ཡི་གཟི
9a6 བརྗིད་མཆོག་འདོད་ན།། མི་ཟད་ང་ཡི་སྐུ་གསུང་ཐུགས།། རྟག་ཏུ་ཡིད་ལ་གནས་པར་གྱིས།། ང་ཡི་དངོས་གྲུབ་མཆོག་ཐོབ་འགྱུར།། རྣལ་འབྱོར་ཆེན་པོ་ས་མ་ཡའོ།། དཀོན་མཆོག་གསུམ་ནི་གནས་པ་དང་།། དེ་ཡི
iiif viewer powered by OpenSeadragon
