| e-texts navigator |
| Wylie |
99b1 དག་ནི།། འཇིག་རྟེན་སྐྱོང་བ་གྲགས་ལྡན་པ།། ནུབ་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ་སྲུངས།། དེ་དག་བདག་པོ་རྒྱལ་པོ་ནི།། མིག་མི་བཟང་ཞེས་བྱ་བར་ཤེས།། དེ་ནི་ཀླུ་རྣམས་ཀུན་གྱི
99b2 བདག། ཆུ་ལྷ་ལྷན་ཅིག་སྲུང་བར་ཤོག། དེ་ལ་བུ་ནི་མང་ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ་རྩ་གཅིག་ཟད་པར་ཡང་།། དབང་པོ་ཞེས་བྱ་སྟོབས་པོ་ཆེ།། དེ་དག་ཁྱེད་ལ་ནད་མེད་ཅིང་།། ཤིས་པ
99b3 ལྷག་པར་སྐྱོང་གྱུར་ཅིག། ནུབ་ཕྱོགས་ལོགས་ཀྱི་ཕྱོགས་ཆ་ན།། ལྷ་མོ་གཞོན་ནུ་བརྒྱད་ཡོད་དེ།། རྣ་ཆ་སྲ་མཁྲེགས་མ་དང་ནི།། པདྨ་དཀར་དང་སྐྱ་རེང་དང་།། ཆ་མེད་གཅིག་དང་དགུ་པ་དང་།། རོལ་དང་གནག་དང
99b4 སྟབས་མྱུར་སྲིད།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་བར་ཤོག། ནུབ་ཕྱོགས་ལོགས་ཀྱི་ཕྱོགས་ཆ་ན།། ནུབ་ཅེས་བྱ་བའི་རི་བོ་ཡོད།། ཉི་མ་ཟླ་བ་གཉིས་ཀའང་ནུབ།། ནུབ་པའང་ཁྱེད་ལ་ནོར
99b5 སྦྱིན་འགྱུར།། དེ་ཡང་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག་བདེ་བར་ཤོག། ཁྱེད་ཅག་སྡིག་པར་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ
99b6 ལྡོག་པར་ཤོག། དགོས་པ་ལ་ལ་གང་གི་ཕྱིར།། བྱང་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར་གནོས་པ་ཡི།། རྒྱུ་སྐར་ཁྱེད་ལ་སྐྱོང་གྱུར་ཅིག། མོན་གྲུ་དང་ནི་མོན་གྲེ་དང་།། ཁྲུམས་སྟོད་དང་ནི་ཁྲུམས་སྨད
iiif viewer powered by OpenSeadragon
