| e-texts navigator |
| Wylie |
98b1 ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ་རྩ་གཅིག་ཟད་པར་ཡང་།། དབང་པོ་ཞེས་བྱ་སྟོབས་པོ་ཆེ།། དེ་རྣམས་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཤར་ཕྱོགས་ལོགས་ཀྱི
98b2 ཕྱོགས་ཆ་ན།། ལྷ་མོ་གཞོན་ནུ་བརྒྱད་ཡོད་དེ།། རྒྱལ་དང་རྣམ་པར་རྒྱལ་མ་དང་།། དོན་གྲུབ་མ་དང་མི་འཕམ་དང་།། དགའ་མཆོག་མ་དང་དགའ་བདེ་དང་།། དགའ་ཅན་མ་དང་དགའ་འཕེལ་མ།། དེ་དག་ཁྱེད་ལ
98b3 ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཤར་ཕྱོགས་ལོགས་ཀྱི་ཕྱོགས་ཆ་ན།། གཞི་འཛིན་ཅེས་བྱའི་མཆོད་རྟེན་ཡོད།། རྒྱལ་བ་སྐྱོབ་པ་དགྲ་བཅོམ་པ།། དེ་རྣམས་ཀྱིས་ནི་བཞུགས་ཤིང་མཁྱེན།། དེ་ཡང
98b4 ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག་བདེ་བར་ཤོག། ཁྱེད་ཅག་སྡིག་པར་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ་ལྡོག་པར་ཤོག། དགོས
98b5 པ་ལ་ལ་གང་གི་ཕྱིར།། ལྷོ་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར་གནས་པ་ཡི།། རྒྱུ་སྐར་ཁྱེད་ལ་སྐྱོང་གྱུར་ཅིག། མཆུ་དང་གྲེ་དང་དབོ་དང་ནི།། མེ་བཞིན་ནག་པ་ལྔ་པ་ཡིན།། ས་རི་དང་ནི་ས་ག་སྟེ།། དེ
98b6 དག་རྣམས་ནི་ལྷོ་ཕྱོགས་པ།། རྒྱུ་སྐར་བདུན་པོ་དེ་དག་ནི།། འཇིག་རྟེན་སྐྱོང་བ་གྲགས་ལྡན་པ།། ལྷོ་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ་སྲུངས།། དེ་དག་བདག་པོ་རྒྱལ་པོ་ནི།། འཕགས་སྐྱེས
iiif viewer powered by OpenSeadragon
