| e-texts navigator |
| Wylie |
98a1 འཇུག་པའི་མདོ་རྫོགས་སོ།། །། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ཤིས་པར་བརྗོད་པའི
98a2 ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ།། ལྷ་ཡི་བཀྲ་ཤིས་དོན་གྲུབ་ཅིང་།། ཕྱོགས་རྣམས་བཀྲ་ཤིས་བྱེད་པ་དེས།། ཁྱེད་ཀྱི་དོན་རྣམས་གྲུབ་གྱུར་ཅིག། ཐམས་ཅད་མྱུར་དུ་མཐུན་པར
98a3 ཤོག། ཕྲེང་བ་མགོ་ལ་འདུག་པ་ལྟར།། ལག་པ་གཡས་ན་དཔལ་ཡོད་ཤོག། གཡོན་ནའང་དཔལ་ནི་གནས་གྱུར་ཅིག། ཡན་ལག་ཀུན་ལའང་དཔལ་ཡོད་ཤོག། ཚོང་པ་དག་ནི་ནོར་ཚོལ་ཞིང་།། ཕྱོགས་བཅུ་དག་ཏུ
98a4 འགྲོ་བ་རྣམས།། རྙེད་པ་ཆེན་པོ་རྙེད་གྱུར་ཅིག། དེ་དག་བདེ་བ་སྐྱིད་པར་ཤོག། དགོས་པ་ལ་ལ་གང་གི་ཕྱིར།། ཤར་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར་གནས་པ་ཡི།། རྒྱུ་སྐར་ཁྱེད་ལ་སྐྱོང་གྱུར
98a5 ཅིག། སྨིན་དྲུག་དང་ནི་སྣར་མ་དང་།། མགོ་དང་ལག་དང་ནབ་སོ་དང་།། རྒྱལ་དང་སྐག་ཅེས་བྱ་བ་སྟེ།། དེ་དག་རྣམས་ནི་ཤར་ཕྱོགས་པ།། རྒྱུ་སྐར་བདུན་པོ་དེ་དག་ནི།། འཇིག་རྟེན་སྐྱོང་བ་གྲགས་ལྡན་པ།། ཤར
98a6 ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ་སྲུངས།། དེ་དག་བདག་པོ་རྒྱལ་པོ་ནི།། ཡུལ་འཁོར་སྲུང་ཞེས་གྲགས་པ་སྟེ།། དེ་ནི་དྲི་ཟ་ཀུན་གྱི་བདག། ཉི་མ་ལྷན་ཅིག་སྲུང་བར་ཤོག། དེ་ལ་བུ་ནི་མང
iiif viewer powered by OpenSeadragon
