| e-texts navigator |
| Wylie |
92a1 པ།། དགོས་འདོད་རེ་བ་སྐོང་བའི་ཡིད་བཞིན་རིན་པོ་ཆེ།། ཕོངས་པ་རྣམས་ཀྱི་བདུད་རྩིའི་ཆར་འབེབས་པ།། འགྲོ་བའི་དཔལ་གྱུར་སྟོན་པ་དམ་པ་ཁྱོད་ལ་བསྟོད།། ཅེས་བསྟོད་དོ།། འཁོར་དེ་དག
92a2 བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་བསྟོད་པའི་ལེའུའོ།། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་རྣམས་རྗེས་སུ་ཡི་རངས་ནས་བསྟོད་པའི་ལེའུ་ལྔ་བཅུ་གསུམ
92a3 པའོ།། །། དེ་ནས་བཅོམ་ལྡན་འདས་ཀྱིས་བརྒྱ་བྱིན་ལ་སོགས་པའི་འཁོར་རྣམས་ལ་འདི་སྐད་ཅེས་གསུངས་སོ།། ངའི་རྒྱུད་འདི་འཁོར་ཁྱེད་རྣམས་ཀྱིས།། མིག་གི་འབྲས་བུ་ལྟར་ཆོངས་ཤིག། རིན
92a4 ཆེན་སྲོག་ལྟར་ཆོངས་ཤིག། འདི་ཀུན་ཏུ་ཟུང་ཤིག། དར་ཞིང་རྒྱས་པར་གྱིས་ཤིག། རིམ་གྲོར་གྱིས་ཤིག། སྟོང་ཚོགས་པས་སྟོང་གི་དྲ་བ་ཞེས་བྱ་བར་ཟུང་ཞིག། ཐམས་ཅད་གསོ་བར་བྱེད་པས་གསོ་བྱེད་ཀྱི་རྒྱལ་པོའི
92a5 རྒྱུད་ཅེས་བྱའོ།། ཐམས་ཅད་ཆམ་ལ་འབེབས་ཤིང་གསོད་པར་བྱེད་པས་འཇིག་རྟེན་དྲེགས་པའི་ཕུང་རྒྱུད་ཅེས་བྱ་བར་ཟུང་ཞིག། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཡོངས་སུ་བཟུང་ཞིང་གཏད་པའི་ལེའུ་ལྔ
92a6 བཅུ་བཞི་པའོ།། །། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་རྫོགས་སོ།། །། @#།། རྒྱ་གར་སྐད་དུ། ཨཱརྱ་བི་པུ་ལེ་པྲ་བེ་ཤ་མ་ཧཱ་སཱུ་ཏྲ་ན། བོད་སྐད་དུ། འཕགས་པ་ཡངས་པའི་གྲོང་ཁྱེར
iiif viewer powered by OpenSeadragon
