| e-texts navigator |
| Wylie |
91b1 ལེའུ་ལྔ་བཅུ་ང་གཅིག་པའོ།། །། དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྒྱ་བྱིན་གྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས། དྲེགས་པ་ཆེན་པོ་འདི་རྣམས་ནི།། བཅོས་ན་ཡོན་ཏན་ཇི་ཙམ
91b2 འབྱུང་།། མ་བཅོས་པ་ཡི་སྐྱོན་ནི་གང་།། ཞེས་གསོལ་པས། གསང་བའི་བདག་པོས་བཀའ་སྩལ་པ།། དྲེགས་པ་བཅོས་པའི་ཡོན་ཏན་ནི།། ལོ་ལེགས་འབྲུ་འཁྲུངས་མི་རྣམས་དར།། ནད་དང་མུ་གེའི་བསྐལ་པ
91b3 ཆད།། ཚེ་རིང་ནད་མེད་བཀྲ་ཤིས་པའོ།། དེ་ལྟར་གྱུར་ན་འཇིག་རྟེན་བདེ།། དེ་ཡིས་བཅོས་པ་རབ་ཏུ་གཅེས།། མ་བཅོས་པ་ཡི་སྐྱོན་བསྟན་པ།། མ་བཅོས་འཇིག་རྟེན་ལྷ་འདྲེ་འཁྲུག། ནད་དང་མུ་གེའི་བསྐལ་པ
91b4 དང་།། སད་དང་སེར་བ་མི་བདེ་སྣ་ཚོགས་དང་།། དུས་ཀྱི་འཁྲུག་པ་ལངས་ཤེད་བསོད་ནམས་ཆུང་།། མི་རྣམས་ཚེ་ཟུང་ལོངས་སྤྱོད་ཆུང་བར་འགྱུར།། དེ་ལྟར་གྱུར་ན་མི་རྣམས་ཕུང་།། དེ་བས་བཅོས་པར་རབ་ཏུ
91b5 གསུངས།། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་བཅོས་པའི་ཡོན་ཏན་དང་། མ་བཅོས་པའི་སྐྱོན་བསྟན་པའི་ལེའུ་ལྔ་བཅུ་ང་གཉིས་པའོ།། །། དེ་ནས་བརྒྱ་བྱིན་ལ་སོགས་པའི་འཁོར་རྣམས
91b6 ཀྱིས། བཅོམ་ལྡན་འདས་ལ་བསྟོད་པ། ཨེ་མ་ཧོ་སངས་རྒྱས་བཅོམ་ལྡན་འདས། ཐམས་ཅད་ཀུན་གྱི་སྟོན་པའོ།། མི་དང་ལྷ་རྣམས་ཀུན་གྱི་སྟོན་པ། ཨེ་མ་ཧོ།། ཐམས་ཅད་ཀུན་མཁྱེན་འགྲོ་བའི་དོན་མཛད
iiif viewer powered by OpenSeadragon
