| e-texts navigator |
| Wylie |
91a1 བ་དང་། སྲིང་མོར་བཅས་འོངས་ནས། བདག་ཅག་གིས་བཅོམ་ལྡན་འདས་ཀྱི་བསྟན་པ་བསྲུང་བར་བགྱི། དཀོར་ཁང་ཡང་བསྲུང་བར་བགྱི། དབེན་གནས་བསྲུང་བར་བགྱིའོ།། ཞེས་གསུངས་ནས།།
91a2 མིང་སྲིང་གཉིས་ཀྱིས་སྨྲས་པ། དུས་ངན་ཐ་མ་བྱུང་བའི་ཚེ།། ཆོས་འཁོར་གཉེན་པོ་བཤིག་པ་ན།། ང་ཅག་བསྟན་པ་དེར་འབྱུང་ངོ་།། བདག་ཅག་མིང་སྲིང་གཉིས་བསྒྲུབ་ན།། དམོད་པ་འདི་ཡིས་ལས་རྣམས་འགྲུབ་པ
91a3 སྟེ།། གསང་བའི་བདག་པོ་ཏིང་འཛིན་ལྡན་པ་ཡིས།། ཉུང་དཀར་ཉུང་ནག་ཐོད་པར་བླུག་ནས་སུ།། དེ་ལ་ཁྲག་སྣ་བསྩལ་ལ་དམོད་པ་དེ་སྐད་གདབ།། དེ་ཡིས་ལས་རྣམས་འགྲུབ་པར་འགྱུར།། ལྷ་འདྲེ་སྟོང་གི་དྲ་བའི
91a4 རྒྱུད་ཆེན་པོ་ལས། མ་ཧཱ་ཀཱ་ལ་མིང་སྲིང་གི་ལེའུ་ལྔ་བཅུ་པའོ།། །། དེ་ནས་ཡང་བཅོམ་ལྡན་འདས་ལ་བརྒྱ་བྱིན་གྱིས་གསོལ་པ། དྲེགས་པ་དེ་དག་རྣམས་སྒྲུབ་པ་ན།། དམ་ཚིག་ཇི་ལྟར་བསྲུང་བར་བགྱི།
91a5 ཞེས་ཞུས་པ་དང་།། གསང་བའི་བདག་པོས་བཀའ་སྩལ་པ།། མི་རྟ་ཁྱི་དང་གསུམ་ལ་སྨད་མི་བྱ།། སྲོག་གཅོད་སྡིག་པ་དག་ལ་སྤྱད་མི་བྱ།། བུད་མེད་དག་ལ་བག་བསྡམ་སེམས་མི་འཆོར།། འགྲོ་ཉལ་འདུག་སྡོད་གང
91a6 ལ་ཡང་།། ལྟ་བ་དག་ལས་ཡེངས་མི་བྱ།། ཉམས་པ་མེད་ཅིང་བརྟུལ་ཞུགས་བསྐྱེད།། ཤ་ཁྲག་དག་ལ་སྤྱད་པར་བྱ།། ཞེས་བཀའ་སྩལ་ཏོ།། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། སྤྱོད་པ་དང་དམ་ཚིག་བསྲུང་བའི
iiif viewer powered by OpenSeadragon
