| e-texts navigator |
| Wylie |
8b1 ཏུ་མི་བཟད་འཇིགས་པའི་སྐུ།། གཟི་བརྗིད་འབར་བས་ཕྱོགས་ཁྱབ་ནས།། ཁམས་གསུམ་མ་ལུས་འཁྲུག་མཛད་པ།། ཁྱོད་ཀྱི་གཟི་བརྗིད་མཆོག་འཚལ་གྱིས།། ལོག་སྲེད་གདུལ་བའི་སྟོབས་འཚལ་བས།། ཇི་ལྟ་བུས
8b2 ནི་འགྲུབ་པར་འགྱུར།། ཇི་ལྟ་བུས་ནི་མཉེས་པར་བགྱི།། ཇི་ལྟ་བུས་ནི་གྲུབ་པར་བགྱི།། ཇི་ལྟ་བུས་ནི་དང་བར་འགྱུར།། བདག་ཅག་ཐེ་ཚོམ་ཆེན་པོ་སྐྱེས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི
8b3 བསྟན་པ་ལ།། འབྱོལ་ཅིང་སྡང་སེམས་ལྡན་པ་དང་།། དམ་ལ་གནས་པའི་རྣལ་འབྱོར་ལ།། གདུག་ཅིང་རྒྱབ་ཀྱིས་ཕྱོགས་པ་དང་།། དམ་ཚིག་ཉམས་དང་ལྡོག་པ་དང་།། འགལ་བྱེད་ཆམ་ལ་དབབ་པའི་ཕྱིར།། དྲེགས
8b4 པ་མི་བསྒྲུངས་ཕོ་མོ་ཡི།། ཀི་ཀང་དབབ་དང་གཤེད་བཞི་ཡིས།། གསོ་བསད་ལས་རྣམས་རྟོག་པའི་མཆོག། དཔལ་བོས་རྒྱས་པར་བཀའ་སྩོལ་ཅིག། བསྟན་པ་བསྲུང་ཕྱིར་བཤད་དུ་གསོལ།། ཞེས་གསོལ་པ་དང་།།
8b5 འཇིགས་བྱེད་གཤིན་རྗེའི་གཤེད་པོས་དགྱེས་པའི་གསུང་ཕྱུང་ནས། རྡོ་རྗེ་འཛིན་པ་ལ་སོགས་པ་ལམ་པར་གྱུར་པའི་འཁོར་རྣམས་ལ། ཞུ་དོན་རྟོགས་པའི་འཁོར་ལོ་འདི་རྒྱས་པར་བཀའ་སྩལ་པ། ང་ནི་དུས་གསུམ
8b6 སྔོན་དུ་བྱུང་།། སངས་རྒྱས་ཀུན་གྱི་སྔོན་དུ་བྱུང་།། ང་ནི་དུས་གསུམ་ཕྱིས་ཀྱང་འབྱུང་།། ང་ནི་ལྔ་བརྒྱ་ཐ་མའི་ཚེ།། ང་ཡི་བསྟན་པ་འབྱུང་བར་བྱེད།། བསྟན་པ་ཐམས་ཅད་ནུབ་པའི་ཚེ།། དེ་ཚེ་ང་ཡི་བསྟན་པ
iiif viewer powered by OpenSeadragon
