| e-texts navigator |
| Wylie |
8a1 ནས། པུས་བཙུགས་ཐལ་མོ་སྦྱར་ནས་འདི་སྐད་ཅེས་གསོལ་ཏོ།། ཨ་ལ་ལ་ཧོ། འཇིགས་བྱེད་ཆེན་པོས་བདག་ཅག་རྣམས་ལ་ཐུགས་བརྩེ་བར་དགོངས་ནས། བདག་ཅག་རང་རང་གི་སྤྱོད་པ་ལས་དང
8a2 མཐུན་པར་བཀའ་སྩལ་པ་ངོ་མཚར་ཆེའོ།། བདག་ཅག་མིང་སྲིད་ཇི་ལྟར་བཀའ་སྩལ་པ་ལས་མི་འདའ་ཞིང་། གཉེར་དུ་གཏད་པའི་ལས་རྣམས་གདོན་མི་ཟ་བར་བགྱིད་དོ་ཞེས་གསོལ་ཞིང་དམ་བཅས་ནས། རང་རང
8a3 གི་གནས་ག་ལ་བ་དེར་དོང་ངོ་།། བཅོམ་ལྡན་འདས་དཔལ་ཆེན་པོ་ཉིད་ཀྱང་། སྐུ་རྟག་པ་ཆེན་པོའི་ཀློང་ན་དུས་གསུམ་དུ་འདུ་འབྲལ་མེད་པར་བཞུགས་སོ།། བདུད་བྱ་རོག་མགོ་བརྩེགས་རོག་ཏི་ནག་པོ་གསང་བ
8a4 སྒྲོལ་བྱེད་ཀྱི་རྒྱལ་པོ་ཀི་ཀང་རཀྵ་སྙིང་གཟེར་དྲག་པོའི་རྒྱུད་ལས། བཅས་ཀ་གླེང་གཞིའི་ལེའུ་དང་པོའོ།། །། དེ་ནས་འཇིགས་བྱེད་ཆེན་པོ་གཤིན་རྗེའི་གཤེད་པོ་ལ། འཁོར་གྱི་གཙོ་བོར་གྱུར་པ་རྡོ་རྗེ་འཛིན་པ
8a5 ཆེན་པོ་དང་། གཞན་ཡང་འཇིག་རྟེན་དང་འཇིག་རྟེན་ལས་འདས་པའི་འཁོར་བསམ་གྱིས་མི་ཁྱབ་པ་དག་གིས་གཡས་ཕྱོགས་ནས་ལན་བརྒྱ་སྟོང་བསྐོར་བ་བྱས་ཏེ། ཕྱི་ནང་གསང་བའི་མཆོད་པ་ཆེན་པོ་དག་གིས་རྣམ
8a6 པར་མཆོད་ནས་འདི་སྐད་ཅེས་གསོལ་ཏོ།། བཅོམ་ལྡན་མགོན་པོ་བདག་ཅག་རྣམས།། སངས་རྒྱས་ཆོས་དང་དགེ་འདུན་དང་།། ཁམས་གསུམ་སྒྲོལ་བྱེད་ཁྱོད་ཉིད་ལ།། སྐྱབས་སུ་མཆིས་ཀྱིས་བཀའ་སྩོལ་ཅིག། རབ
iiif viewer powered by OpenSeadragon
