| e-texts navigator |
| Wylie |
7b1 མེད་པར་མྱུར་དུ་སྒྲོལ།། སྒྲོལ་བའི་བདག་པོར་ངས་དབང་བསྐུར།། སྲོག་དང་དབུགས་ལ་དབང་བསྐུར་རོ།། གསོད་ཅིང་གསོ་བར་དབང་བསྐུར་རོ།། རྣལ་འབྱོར་དམ་ལ་གནས་པ་དང་།། བསྟན་པ་གཉེན་པོ་འཛིན
7b2 པ་དང་།། བཀའ་བཞིན་སྤྱོད་པའི་རྣལ་འབྱོར་པའི།། བཀའ་ལས་མི་འདའ་དམ་ལས་མི་འདའ་བར།། དེ་ཡི་དགོངས་པ་མྱུར་དུ་སྒྲུབས།། ཉོན་ཅིག་ཀི་ཀང་ཆེན་པོ་རྣམས།། ང་ཡི་བཀའ་ལས་ཁྱོད་མ་འདའ།། གལ་ཏེ
7b3 བཀའ་ལས་འདས་གྱུར་ན།། མགོ་ལུས་དུམ་བུ་སྟོང་དུ་འགྱུར།། རུལ་མྱགས་ཚིགས་ནས་དམྱལ་བར་འགྲོ།། ས་མ་ཡ་ཙིཏྟ་ན་ར་ཀན། ཞེས་པའི་སྒྲ་བསྒྲགས་ནས། མི་གཡོ་ཞིང་མི་འཁུ་བར་བྱས་ཏེ། དམ་ལ་སྩལ་ཞིང
7b4 དབང་བསྐུར་ནས། འཇིག་རྟེན་བདེ་བ་ལ་བཀོད་དེ། ཟས་སུ་ནི་སངས་རྒྱས་ཀྱི་བསྟན་པ་འཇིག་པ་དང་། དམྱལ་བའི་གྲོང་རྟེན་བྱེད་པ་དང་། དམ་ལས་ཟློག་པའི་སྲོག་དང་དབུགས་ལ་དབང་བསྐུར་ཏེ། དབང་ལྷ་མ
7b5 སྲིན་སྡེ་རྒྱད་དམ་ལ་བཏགས་ནས་དབང་བསྐུར་རོ།། རོག་ཏི་ནག་པོ་དེ་ཡང་ལུས་སྲིན་པོ་ལ། མགོ་བྱ་རོག་གིས་བརྩེགས་པ་དེ། ལྷ་མ་སྲིན་སྡེ་བརྒྱད་དུ་གྱུར་ནས་དུས་ཚོད་དང་ཚེས་གྲངས་ལ་འཇུག་ཅིག་རྒྱུ་བ་དང་།
7b6 ཀི་ཀང་དང་གཤེད་བཞིས་བསྐྱོད་འགུལ་གྱིས། སྲོག་དང་དབུགས་ལ་དབང་བྱེད་པར་གྱུར་པས། ཀེ་ཀང་མིང་སྲིང་རྣམས་རྗེས་སུ་ཡི་རངས་ཏེ། འཇིགས་བྱེད་ཆེན་པོ་ལ་གཡས་ཕྱོགས་ནས་ལན་གསུམ་བསྐོར་བ་བྱས
iiif viewer powered by OpenSeadragon
