| e-texts navigator |
| Wylie |
7a1 གསོལ་ཏོ།། ཀྱེ་མ་དཔའ་བོ་ཆེན་པོ་ལགས།། འཇུག་དང་རྒྱུ་བའི་ཚེས་གྲངས་དང་།། དུས་དང་དུས་ཀྱི་ཚོད་རྣམས་དང་།། རྒྱུ་བའི་ཕྱོགས་དང་མིང་རྣམས་དང་།། དཔོན་སྣ་བསྐོ་བའི་སྡུག་ལས
7a2 རྣམས།། བཀའ་སྩལ་བཞིན་དུ་གཉེར་ལེན་ན།། བདག་ཅག་རྣམས་ཀྱི་མཐུན་རྫས་དང་།། འཚལ་བའི་ཟས་སྐལ་གང་གིས་བགྱི།། དཔའ་བོ་ཆེན་པོས་བཀའ་སྩོལ་ཅིག། ཅེས་གསོལ་པ་དང་། ཡང་བཅོམ་ལྡན་འདས
7a3 འཇིགས་བྱེད་ཆེན་པོས་དགྱེས་པ་ཆེན་པོའི་གསུང་ཕྱུང་ནས། འདི་སྐད་ཅེས་བཀའ་སྩལ་ཏོ།། ཀི་ཀང་དྲང་སྲོང་ཆེན་པོ་རྣམས།། དེ་སྐད་གསུངས་པ་ཤིན་ཏུ་ལེགས།། ངས་གསུངས་པ་ལས་སེམས་ཟུད་ཅིག། ཁྱོད་ཀྱི
7a4 ཕ་ནི་སྲིན་ཡིན་པས།། ཤ་རུལ་ཁྲག་རུལ་ཉ་རུལ་དང་།། བཙོས་དང་རྗེན་ཤ་སྣ་ཚོགས་དང་།། ར་མཆིན་ལ་སོགས་མར་ཆེན་རྣམས།། ཕ་ཟས་བུ་ལ་དབོག་པར་བྱ།། ཁྱོད་ཀྱི་མ་ནི་ཀླུ་ཡིན་པས།། དཀར་གསུམ་མངར
7a5 གསུམ་ཀླུ་སྨན་དང་།། ལ་སྨན་རྩི་སྨན་སྣ་ཚོགས་དང་།། དྲི་ཡི་རྒྱལ་པོ་ག་པུར་རྣམས།། མ་ཟས་བུ་ལ་དབོག་པར་བྱ།། དེ་ལྟར་མཐུན་པའི་རྫས་བསྟན་ནས།། ཁྱོད་ཀྱི་ཟས་སྐལ་བསྟན་པ་ནི།། གསང་སྔགས་གཉེན་གྱི
7a6 བསྟན་པ་ལ།། འབྱོལ་ཅིག་སྡང་སེམས་ལྡན་པ་དང་།། དམ་ལ་གནས་པའི་རྣལ་འབྱོར་ལ།། གདུག་ཅིང་རྒྱབ་ཀྱིས་ཕྱོགས་པ་དང་།། དམ་ཚིག་ཉམས་དང་དམ་ལས་ལྡོག། འདི་དག་ཁྱོད་ཀྱི་ཟས་སྐལ་ལོ།། ཞུ་བླག
iiif viewer powered by OpenSeadragon
