| e-texts navigator |
| Wylie |
6a1 སྟོང་ལ།། ཀི་ཀང་རྒྱུ་བ་ཤེས་པར་བྱོས།། རྒྱུ་བའི་དུས་རྣམས་སྟོན་པ་ནི།། ཕྱོགས་བཞི་མཚན་མོ་རྒྱུ་བ་དང་།། མཚན་བཞི་ཉིན་མོ་རྒྱུ་བ་ནི།། རྒྱུ་བའི་དུས་སུ་ཤེས་པར་བྱ།། དུས་ཀྱི་ཚོད་རྣམས་བསྟན་པ
6a2 ནི། སྲོད་དང་སྔ་དྲོ་དང་པོ་དང་།། ནམ་གྱི་ཕྱི་དབྱིངས་ཀྱང་དང་ཉི་མ་ཕྱེད།། ནམ་ཕྱེད་ཉི་མ་མྱུར་ཆེན་དང་།། སྐྲ་རེངས་ཤར་དང་མྱུར་ཆུད་རྣམས།། དུས་ཀྱི་ཚོད་དུ་ཤེས་པར་བྱ།། དེ་ནས་རྒྱུ་བའི་ཕྱོགས་བསྟན
6a3 ཏེ།། ནུབ་ནས་ཤར་དུ་རྒྱུ་བ་དང་།། ཤར་ལྷོ་མཚམས་ནས་ནུབ་བྱང་དུའོ།། བྱང་ནས་ལྷོ་རུ་རྒྱུ་བ་དང་།། ལྷོ་ནུབ་མཚམས་ནས་བྱང་ཤར་དུའོ།། ཤར་ནས་ནུབ་ཏུ་རྒྱུ་བ་དང་།། ནུབ་བྱང་མཚམས་ནས་ལྷོ་ཤར་དུའོ།། ལྷོ།
6a4 ནས་བྱང་དུ་རྒྱུ་བ་དང་།། བྱང་ཤར་མཚམས་ནས་ལྷོ་ནུབ་ཏུའོ།། རྒྱུ་བའི་ཕྱོགས་ནི་དེ་ལྟར་བྱོས།། དེ་ནས་མིང་ཡང་ངས་གདགས་ཀྱི།། མགོ་ལས་སྤྲུལ་པ་ཆེན་པོ་ནི།། བི་ཏྲ་བི་ཏྲ་བྱ་བ་སྟེ།། བྱ་རོག་མགོ་ཅན་བྱ་བར
6a5 གདགས།། ལག་པ་གཡས་ལས་སྤྲུལ་པ་ནི།། དྲང་སྲོང་རཱ་ཧུ་ལ་ཞེས་གདགས།། མིག་དང་མཆེ་བ་སྙིང་གསུམ་ལས།། སྤྲུལ་པ་སྒྲ་གཅན་འཛིན་དུ་གདགས།། ལག་པ་གཡོན་ལས་སྤྲུལ་པ་ནི།། དུ་བ་མཇུག་རིང་བྱ
6a6 བར་གདགས།། དཔུང་པ་གཡས་ལས་སྤྲུལ་པ་ནི།། ཁྱབ་འཇུག་ཆེན་པོ་བྱ་བར་གདགས།། མཇུག་མ་ལས་སྦྲུལ་ཆེན་པོ་ནི།། བིཥྚ་ར་ཙ་བྱ་བར་གདགས།། ཆུ་སོ་ལས་སྦྲུལ་ཆེན་པོ་ནི།། ཙ་ར་ཀ་ཞེས་བྱ་བར
iiif viewer powered by OpenSeadragon
