| e-texts navigator |
| Wylie |
5a1 ཅེས་གསོལ་ཏོ།། ཨེ་མ་ཧོ་འཇིགས་བྱེད་ཆེན་པོ་ལགས།། བདག་ཅག་ཀི་ཀང་མིང་སྲིང་རྣམས།། ཕ་ལ་གདུག་པའི་བུ་ལགས་པས།། སྣང་སྲིད་སྲོག་ཆགས་མ་ལུས་ཀུན།། སུ་འཕྲད་ཁྲུར་མིད་འཆའ་བ
5a2 དང་།། སྦྱོར་བ་ངན་པ་གཏོང་བ་དང་།། ལོ་ཏོག་འཇོམས་པའི་ལས་འདི་དག། བདག་ཅག་རྣམས་ཀྱི་རང་ལས་ན།། དཔའ་བོ་ཆེན་པོ་ཅི་ལ་བཀྱོན།། སྔར་ཡང་དཔའ་བོ་ཆེན་པོ་ཡིས།། བདག་གི་ལུས་གཏུབས་ཕྱོགས
5a3 བཅུར་སྦས།། འདི་ཡང་ཤིན་ཏུ་མ་ལེགས་སོ།། ཐུགས་རྗེ་འབྲེང་ཡང་མི་མངའ་འམ།། གཙོ་བོ་ཆེན་པོ་ཁྱོད་ཉིད་ནི།། ཐུགས་རྗེ་བྱམས་པའི་མངའ་བདག་ན།། འདི་ལྟའི་ཆོ་འཕྲུལ་ཅི་ལ་སྟོན།། གདུག་པའི་གསུང་སྒྲ་ཅི
5a4 ལ་སྒྲོགས།། ཐུགས་ཀྱི་སྤྲུལ་པ་ཅི་ལ་འགྱེད།། དཔའ་བོ་ཆེན་པོ་བདག་ཅག་ལ།། བཀའ་བབ་མི་འཚལ་འབངས་སུ་མཆི།། འབངས་ལ་ནན་ཏན་མ་ཆུང་ཞིག། ཅེས་གསོལ་ཏོ།། སྤྱི་སྡོམ་སྲོག་སྙིང་འདི་མདོངས་གསོལ
5a5 དུ་ཕུལ་ལོ།། ཨ་ཡ་མ་དུ་རུ་ཙ་ཤ་ན་ལ་བཛྲ་མ་མ་ཏིང་ལ་བོ་ཨ་ཏྲ་བཛྲ་ལི་ཕི་མ་རོ་ཏྲི་ཛ། བདག་ཅག་རྣམས་ཀྱི་སྲོག་ཏིག་སྟེ།། དཔའ་བོ་ལྷ་རྗེས་བཞེས་སུ་གསོལ།། དེ་སྐད་ཅེས་གསོལ་པ་དང་། འཇིགས་བྱེད་ཆེན
5a6 པོས་འདི་སྐད་ཅེས་བཀའ་སྩལ་ཏོ།། ལེགས་སོ་ཀི་ཀང་ཆེན་པོ་དག། དེ་ལྟར་དུས་དུས་ཐམས་ཅད་དུ།། སེམས་ཅན་རྣམས་ལ་སྦྱོར་ངན་མ་གཏོང་བར། ཀོང་ཙེར་འཇུག་པའི་ཚེས་གྲངས་དང་།། ཀི་ཀང་རྒྱུ་བའི་ཚེས
iiif viewer powered by OpenSeadragon
