| e-texts navigator |
| Wylie |
4a1 ནས། རང་རང་གི་གནས་སུ་དེངས་སོ།། དེ་ནས་སྲིན་པོ་ཡག་ཤ་ཛ་ལ་རི་རབ་ཀྱི་རྩེ་ལ་ཞེ་སྡང་གི་མེ་འབར་བ་དང་། ཀླུ་མོ་རྡོ་རྗེ་ཡག་ཤ་མོ་རྒྱ་མཚོའི་གཏིང་ནས་འདོད་ཆགས་ཁྲག་མཚོར་འཁྱིལ་བ
4a2 གཉིས་ལུས་མ་ཕྲད་པར་ཀིང་ཀང་གི་སྒྲས་བསྐུལ་ཏེ་ཡིད་ཀྱིས་བཤོས་པ་ལས། བུ་མིང་སྲིད་ལྔ་མཚེ་མར་སྐྱེས་སོ།། བུ་མོ་སྤུན་བཞི་མོང་པོ་དང་ལྔའོ།། མིང་པོ་ཀི་ཀང་ཕུད་བྱེད་ཆེན་པོ་དང་། སྲིན་མོ་ཀི་ཀང་མགོ
4a3 བརྙན་མ་བཞིར་གྱུར་ནས། སྲིད་པ་གསུམ་གྱི་སེམས་ཅན་ཐམས་ཅད་ཟ་ཞིང་འཆའ་སྟེ། འཇིག་རྟེན་ཕུང་བ་ལ་ཐུག་པར་གྱུར་པ་ལས། བཅོམ་ལྡན་འདས་འཇིགས་བྱེད་གཤིན་རྗེའི་གཤེད་པོས་འཁོར་ལོ་གཅིག་མིང
4a4 པོ་ལ་བརྒྱབ་པས་ལུས་དུམ་བུ་བརྒྱད་དུ་གཏུབས་ཏེ། བཅོམ་ལྡན་འདས་ཀྱི་སྐུ་དཔག་པ་ལས་འདས་པའི་ཁོང་སྟོང་དུ་སྣང་སྲིད་བཅུག་ནས་ཐུགས་རིན་པོ་ཆེའི་ཡང་རང་བཞིན་གྱི་ཁོང་སེང་། ཀུན་རིག་གི་གའུ་ན་རིན
4a5 པོ་ཆེ་གསེར་གྱི་འཁོར་ལོ་རྩིབས་བཞི་པ་གཅིག་བཏོན་པའི་མཐའ་རྒྱ་མཚོ་ཆེན་པོ་བཞི་དང་། རོ་ལ་མཚོ་བདུན་གྱིས་ནི་བསྐོར། གསེར་གྱི་རི་བདུན་གྱིས་འཁོར་བར་བཅད། དེ་ལྟར་བྱས་པའི་ཕྱོགས་བཞི་མཚམས
4a6 བརྒྱད་དུ། ཀི་ཀང་ཆེན་པོ་གཟིར་ཏེ། མགོ་ལྷོ་ནུབ་བྱུང་སྟེ་དགོད། ཤར་ལྷོ་ལག་པ་གཡས་པ་དགོད། བྱང་ནུབ་ཏུ་ལག་པ་གཡོན་པ་དགོད། བྱང་ཤར་དུ་རྐང་པ་གཉིས་དགོད། ཤར་དུ་མཇུག་མ་དགོད། ལྷོ་རུ་དཔུང
iiif viewer powered by OpenSeadragon
