| e-texts navigator |
| Wylie |
44a1 བྱིན་གྱིས། བཅོམ་ལྡན་འདས་ལ་ལྷའི་མེ་ཏོག་མན་ད་ར་བ་ལ་སོགས་པ་དུ་མས་མཆོད་ཅིང་། བསྐོར་བ་ལན་གསུམ་བྱས་ནས། ཀྱེ་བཅོམ་ལྡན་འདས་ཐུགས་རྗེ་ཆེན་པོའི་མངའ་བདག། འཇིག་རྟེན་གྱི
44a2 ཁམས་འདི་ནི། རབ་ཏུ་སྙིང་རྗེ་སྟེ།། ལྷ་མ་སྲིན་ནི་འཁྲུགས། ནད་དང་མུ་གེའི་བསྐལ་པ་མང་པོ་ནི་བཏང་། མཚོན་གྱི་ཆར་པ་ནི་ཕབ། འཇིག་རྟེན་གྱི་མི་རྣམས་ནི་ཤིན་ཏུ་ཉེན། ཤིན་ཏུ་སྡུག་བསྔལ་ཏེ། འདི་རྣམས་ལ
44a3 བཅོམ་ལྡན་འདས་ཀྱིས་ཐུགས་རྗེས་གཟུང་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། བརྒྱ་བྱིན་ཉོན་ཅིག། ཡིད་ལ་ཟུང་ཞིག། ཁྱེད་ཀྱིས་ཞུ་བར་སྤོབས་པ་འདི་ལེགས་སོ།། ངས
44a4 གནང་བའི་སྐབས་དབྱེའོ།། ཞེས་གསུངས་སོ།། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཞུ་བ་སྤོབས་པ་དང་། གླེང་གཞིའི་ལེའུ་དང་པོའོ།། །། དེ་ནས་བཅོམ་ལྡན་འདས་ཀྱིས་ཐམས་ཅད་དབང་དུ་བསྡུ་བ
44a5 ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་དྲེགས་པ་ཅན་ཐམས་ཅད་བཅོམ་ལྡན་འདས་ཀྱི་སྤྱན་སྔར་འུབ་ཀྱིས་འདུས་ནས། ལ་ལ་ནི་བརྒྱ་ལ། ལ་ལ་ནི་རང་སྒྲ་རང་འབལ། ལ་ལ་ནི་ཁྲག
44a6 ཏུ་སྐྱུགས། ལ་ལ་ནི་ཁ་བུབ། ལ་ལ་ནི་གན་རྐྱལ་དུ་འགྱེལ་ནས་འདུག་པ་ལས། དེ་ནས་ཡང་བཅོམ་ལྡན་འདས་ཀྱིས་ཐམས་ཅད་གསོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པས། ཞུགས་མ་ཐག་ཏུ
iiif viewer powered by OpenSeadragon
