| e-texts navigator |
| Wylie |
43b1 ན།། ལས་རྣམས་གང་ཡང་མི་འགྲུབ་བོ།། ཉི་ཟླ་ཀླད་ལ་འཁོར་བ་ན།། གང་ཡང་ཐེ་ཚོམ་མེད་པར་འགྲུབ།། མངོན་སུམ་པ་ཡི་ཆོ་འཕྲུལ་ཡང་།། འབྲུག་སྒྲ་ཐོག་དང་སེར་བ་དང་།། ནམ་མཁའ་འཁྲུག་ཅིང་འཁྱིལ་བ
43b2 དང་།། ཉི་ཟླ་འོད་དང་བྲལ་བ་དང་།། འཚུབ་ན་བུ་ཡུག་ས་གཡོས་དང་།། གཅན་གཟན་གདུག་པའི་སྒྲ་འབྱིན་ན།། རྣལ་འབྱོར་ལས་རྣམས་འགྲུབ་པ་སྟེ།། ཕན་གནོད་བྱེ་བྲག་ཤེས་པར་བྱའོ།། བདུད་རོག་ཏི་ནག་པོ
43b3 བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། ཕུང་བྱེད་ཁུས་འདེབས་ཀྱི་ལེའུ་བཅོ་ལྔ་པའོ།། །། གཟའ་བདུད་ཆེན་པོ་ཁྱབ་འཇུག་གི
43b4 རྒྱུད་ཅེས་བྱ་བ་རྫོགས་སོ།། །། འདི་ནི་ཤིན་ཏུ་གཉན་ཅིང་རྩུབ་སྟེ་ཁྲོ་ཆུ་ཁོལ་མ་དང་འདྲ་བས་གསང་རྒྱའོ།། །།
43b5 @། རྒྱ་གར་སྐད་དུ། དེ་བ་ཡ་ཏྲེ་སན་ཏྲི་ཤུ་པ་ཏི་བ་ཡ་དུ་ཡ་མ་ཧཱ་ཏནྟྲ། བོད་སྐད་དུ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ།། བཅོམ་ལྡན་འདས་གསང་བའི་བདག་པོ་འཁོར་དང་བཅས་པ་ལ་ཕྱག་འཚལ་ལོ།། འདི
43b6 སྐད་བདག་གིས་ཐོས་པ་དུས་གཅིག་ན།། འོག་མིན་གྱི་གནས་ན། བཅོམ་ལྡན་འདས་གསང་བའི་བདག་པོ་དེ་ལ། འཁོར་དཔག་ཏུ་མེད་པས་སྐོར་བའི་ཚུལ་གྱིས་བསྐོར་ཏེ་བཞུགས་སོ།། དེ་ནས་ལྷའི་དབང་པོ་བརྒྱ
iiif viewer powered by OpenSeadragon
