| e-texts navigator |
| Wylie |
42b1 ལ་ཐིག་དག་བྲི་མི་དགོས།། དམེ་ཁྲག་དག་གིས་དམར་པོར་བྱུག། སྟེང་དུ་ཙ་རའི་ཤུན་གདིང་ཞིང་།། དེ་སྟེང་ལོག་སྲེད་འབྱུང་པོའི་གཟུགས།། སྨོས་པའི་རྒྱུ་ཡི་བྱེ་བྲག་ལ།། འདྲ་འབག་ཁྲུ་གང་ཚད་དུ་བྱ།། དཔྲལ་བ
42b2 སྙིང་ག་ཡན་ལག་ལ།། མིང་རུས་བླ་དྭགས་རྫོགས་པར་བྲི།། ཁོང་པར་ཙ་རའི་སྙིང་ཡང་གཞུག། དེ་ནས་ཞིང་ཆེན་གཡང་གཞི་ལ།། དུག་དང་པདྨ་རཀྟ་ཡིས།། དཔྲལ་བ་འགྲམ་པ་གཡས་གཡོན་དང་།། སྙིང་ག་ལྟེ་བ
42b3 རྣམས་སུ་ཡང་།། གཤེད་པོ་བེ་ཏཱ་ཙ་ཏི་དང་།། ཀླུ་སྲིན་གདུག་པའི་གསང་སྔགས་བྲི།། སྐེ་དང་བླ་དཔུང་གཡས་གཡོན་དང་།། གསང་གནས་མཁལ་ཁུང་གཡས་གཡོན་དུ།། སྡེ་བརྒྱད་གསང་སྔགས་འཁོར་བར
42b4 བྲི།། ཡན་ལག་བཞི་ཡི་མཐིལ་དག་ལ།། གདོང་མོ་བཞི་ཡི་གསང་སྔགས་བྲི།། དེ་ལྟར་བྲིས་པའི་རྒྱལ་མཚན་དེ།། ནུབ་ཕྱོགས་ངོས་སུ་མཁས་པས་བསྒྲེང་།། མཐུན་པའི་དམ་རྫས་རྫོགས་པར་བཤམ།། དེ་ནས་ཆོ་ག
42b5 རྫོགས་བྱས་ཏེ།། རླག་བྱེད་རོལ་པའི་ཚོགས་མངགས་ནས།། གང་ལ་བྱ་བའི་དངོས་པོ་དེ།། དབང་མེད་སྔགས་ཀྱིས་དགུག་ནས་ཀྱང་།། དམིགས་པའི་རྟེན་ལ་ངེས་པར་དབབ།། དེ་ནས་དུས་ལ་བབ་པའི
42b6 ཚེ།། འདོམས་དང་སྙིང་ག་མགོ་རྣམས་ལ།། ཚིལ་ཆེན་གུ་གུལ་རྒྱལ་ཚིལ་གྱིས།། མེ་བཏང་དུད་པ་ཆེར་བྱུང་ལ།། རྒྱལ་མཚན་བརྡབ་ཅིང་འདི་སྐད་བརྗོད།། ཧཱུཾ་ང་ནི་རྡོ་རྗེ་འཛིན་པ་སྟེ།། སངས་རྒྱས་སྲས་ཀྱི་ཐུ་བོ
iiif viewer powered by OpenSeadragon
