| e-texts navigator |
| Wylie |
42a1 སོག་གཡས་པའི་ཁེམ་དག་གིས།། དྲག་སྔགས་བཟླས་ཤིང་ལིངྒ་བྲབ།། སྒྲ་གཅན་འཛིན་གྱི་སྲེག་ཟོར་ཡིན།། དེ་ནས་དམིགས་རྟེན་ལིངྒ་ལ།། རྩང་གིས་གཏུབ་ཅིང་ཐག་པས་སྦྲེལ།། དེ་ནས་རྫས་དང
42a2 བཅས་པ་དག། རེ་དུལ་ནག་པོས་བྲིལ་ནས་ཀྱང་།། ཕྱོགས་ངན་གཤེད་ཀྱི་ལག་ཏུ་གཏད།། ཡང་ན་ནཱ་ག་གནས་སར་སྦ།། སྲེག་ཟོར་ཧོམ་བརྒྱད་འདི་རྫོགས་ན།། འཇིག་རྟེན་ཕུང་ལས་ཀུན་གྲུབ་སྟེ།། ཐོག་སེར
42a3 ཡམས་ནད་སྣ་ཚོགས་དང་།། བཙའ་མུག་ལོ་ཉེས་འཁྲུག་པའི་ས།། ལོག་སྲེད་ཉིད་ཕུང་ཡུལ་ཁམས་ཕུང་།། བཤན་པ་ནག་པོའི་སྲོག་ལས་འདི།། ལྔ་བརྒྱ་དུས་ཀྱི་མཐའ་མའི་ཚེ།། གབ་གསང་དོན་གྱི་བློ་ཅན
42a4 དང་།། སྔགས་བསྙེན་རྫོགས་དང་ཕྱག་རྒྱ་གསལ།། དམ་ཚིག་བརྩེར་ལྡན་མཁས་པས་བྱ།། དམ་མེད་རས་ཆོད་གཟུ་ལུམས་ཅན།། བཀའ་ཐོབ་མེད་པའི་རང་བྱན་མཁན།། གང་དེས་འདི་རྩོམ་རང་ཉིད་རླག། བདུད
42a5 རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀེ་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། བཤན་པ་ཧོམ་ནག་གི་ལེའུ་བཅུ་བཞི་པའོ།། །། དེ་ནས་བཅོམ་ལྡན
42a6 གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། འགལ་བྱེད་ཆམ་ལ་དབབ་པའི་ཕྱིར།། ཁུས་འདེབས་དྲག་པོའི་ལས་བཤད་པ།། ཆོ་ག་ཀུན་ལྡན་སྔགས་པ་ཡིས།། ཁྲུ་དོའི་ཚད་མཛེས་དཀྱིལ་འཁོར་ལ།། འདི
iiif viewer powered by OpenSeadragon
