| e-texts navigator |
| Wylie |
3b1 ནས། གྷ་གྷ་ཞེས་བྱ་བའི་སྒྲ་སྐད་ཆེན་པོ་འབྲུག་སྟོང་དུས་གཅིག་ལྡིར་བ་ཙམ་བྱུང་ངོ་།། བྱུང་མ་ཐག་ཏུ་འཇིག་རྟེན་གྱི་ཁམས་སྟོང་གསུམ་དུས་གཅིག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ཆེམ་རབ་ཏུ
3b2 ཆེམ། ཀུན་ཏུ་རབ་ཏུ་ཆེམ། འུར་རབ་ཏུ་འུར། ཀུན་ཏུ་རབ་ཏུ་འུར། ལྡེག་རབ་ཏུ་ལྡེག། ཀུན་ཏུ་རབ་ཏུ་ལྡེག། ཤིག་རབ་ཏུ་ཤིག། ཀུན་ཏུ་རབ་ཏུ་ཤིག། མཐའ་མཐོ་ན་ནི་དབུས་དམའ། དབུས་མཐོ་ན་ནི་མཐའ་དམའ
3b3 བར་གྱུར་ཏོ།། འཇིག་རྟེན་གྱི་ཁམས་ན་གནས་པའི་ལྷ་དང་། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། ཡི་དྭགས་དང་།
3b4 ཤ་ཟ་དང་། འབྱུང་པོ་དང་། གྲུལ་བུམ་དང་། སྲུལ་པོ་དང་། ལུས་སྲུལ་པོ་དང་། སྐེམ་བྱེད་དང་། བརྗེད་བྱེད་དང་། སྨྱོ་བྱེད་དང་། གྲིབ་གནོན་དང་། གནོན་པོ་དང་། ནམ་གྲུ་ལ་སོགས་པའི་མི་བསྙུངས་པའི
3b5 ཚོགས་ཐམས་ཅད་སྤངས་ཤིང་ངོ་མཚར་དུ་གྱུར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ།། འཕགས་པའི་ནང་ནས་འཕགས་པ་གཤིན་རྗེའི་གཤེད།། དབྱིངས་དང་ཡེ་ཤེས་གཉིས་མེད་འོད་ཟེར
3b6 གྱིས།། སྣང་སྲིད་དུག་ལྔ་བསྡུས་པའི་བྱིན་རླབས་ནི།། ཀི་ཀང་སྒྲ་སྐད་འབྲུག་སྟོང་ལྡིར་ཙམ་ན།། སྟོང་གསུམ་དུས་གཅིག་གཡོས་པ་ངོ་མཚར་ཆེ།། བདག་ཅག་རྣམས་ལ་ཐུགས་རྗེས་བསྐྱབ་ཏུ་གསོལ།། ཞེས་གླེངས
iiif viewer powered by OpenSeadragon
