| e-texts navigator |
| Wylie |
3a1 སྤྲོས་པས། སེམས་ཅན་ཐམས་ཅད་ལ་བྱང་ཆུབ་སེམས་ཀྱིས་དབང་བསྐུར་ནས་བདེ་བ་ལ་བཀོད་དེ། འོད་ཟེར་དེ་དག་གིས་ཁམས་གསུམ་གྱི་གདུག་པ་ཅན་དང་། ཕྱིན་ཅི་ལོག་གི་དུག་ལྔ་དང་། མི་དགེ
3a2 བ་བཅུ་ལ་སོགས་པའི་བཅུད་ཐམས་ཅད་བསྡུས་ནས་ཉིད་ཀྱི་སྐུ་ལ་ཐིམ་པར་མཛད་དོ།། དེ་ནས་གཉིས་སུ་མེད་པའི་རོལ་པ་ལས་ཞེ་སྡང་གི་འོད་ཟེར་ནག་པོ་དང་། ང་རྒྱལ་གྱི་འོད་ཟེར་སེར་པོ་དང་། ཕྲག་དོག་གི
3a3 འོད་ཟེར་ལྗང་གུ་ལ་སོགས་པ། རི་རབ་ཀྱི་རྩེ་ལ་གཡུང་དྲུང་གི་གནས་སུ་འཕྲོ་བ་ལས་སྲིན་པོ་ཡག་ཤ་ཛ་ལ་འབར་བར་གྱུར་ཏེ། རི་རབ་ཀྱི་རྩེ་ན་ཞེ་སྡང་གི་མེ་འབར་ཞིང་གནས་སོ།། འདོད་ཆགས་ཀྱི་འོད་ཟེར་དམར
3a4 པོ་དང་། གཏི་མུག་གི་འོད་ཟེར་དུད་ཀ་རྒྱ་མཚོའི་གཏིང་དུ་འཕྲོས་པ་ལས། འབྲས་བུ་ཀླུ་མོ་ཡག་ཤ་མོར་གྱུར་ཏེ། རྒྱ་མཚོའི་གཏིང་ན་འདོད་ཆགས་ཀྱི་ཁྲག་མཚོ་ཁོལ་ཞིང་གནས་པ་ལས། ཡུམ་བཻ་ཏ་ལཱིས་འཛུམ་པའི
3a5 མདངས་ཀྱིས། ཀླུ་མོ་རྡོ་རྗེ་ཡག་ཤ་མོ་ལ་གཟིགས་ནས། འདོད་ཆགས་ཀྱི་ཟིལ་པ་དང་བཅས་པའི་ལྗགས་ཀྱིས་བརྡ་ཞིག་མཛད་པས། ཀླུ་མོ་རྡོ་རྗེ་ཡག་ཤ་མོ་ཡང་ཡིད་གཡོ་བའི་འདོད་ཆགས་དྲག་པོ་སྐྱེས་ཏེ། ཀྟི་ཀྟི
3a6 ཞེས་བྱ་བའི་འདོད་ཆགས་ཀྱི་སྐད་དྲག་པོ་འབྲུག་སྟོང་དུས་གཅིག་ཏུ་ལྡིར་བ་ཙམ་བྱུང་ངོ་།། བྱུང་མ་ཐག་ཏུ་རི་རབ་ཀྱི་རྩེ་ལ་གནས་པའི་སྲིན་པོ་ཡག་ཤ་འབར་བ་ཡང་། ཡིད་གཡོ་བའི་འདོད་ཆགས་དྲག་པོ་རབ་ཏུ་སྐྱེས
iiif viewer powered by OpenSeadragon
