| e-texts navigator |
| Wylie |
39b1 སྲོག་པ་རྩ་ནས་འདྲེན།། ལ་ལས་ཀླད་ཁྲག་དཀྲུག་ཅིང་འཐུང་།། ཀི་ཀང་ཕབ་ནས་བསད་པ་ལ།། རྗེས་ཤུལ་མེད་པར་ཟ་བྱེད་ཅིང་།། མཱ་ར་ཡ་ཡི་ཡུལ་དག་ཏུ།། སེར་བ་སྣ་ཚོགས་སྒོང་ལྟར་འདྲིལ།། ཀི་ཀང་སྣ་ཚོགས
39b2 དུས་མེད་ཕོབ།། དེ་ནས་མཚོན་ཆ་རྣོན་པོས་ཤིགས།། ལྷ་ཚོགས་ཀུན་ལ་ཐིམ་པར་ཕུལ།། སྦྱིན་བསྲེག་གནན་པའི་ལས་རྫོགས་བྱ།། རྔམ་སྟབས་དྲག་པོས་རྣམ་པར་གཟིར།། དྲག་པོའི་ལས་འདི་ཀུན་རྫོགས་ན།། རྡོ
39b3 རྗེ་འཛིན་པ་ཉིད་ཀྱང་འཇིག། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ།། སྙིང་གཟེར་དྲག་པོའི་རྒྱུད་ཆེན་པོ་ལས། མངགས་པ་སྲོག་ཕུར་གྱི་ལེའུ་བཅུ་གསུམ
39b4 པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་སྲོག་ཟོར་ལས་བཤད
39b5 པ།། སྔགས་པ་རྣལ་འབྱོར་ལྡན་པ་ཡིས།། དྲག་པོར་བརྟག་པའི་གནས་ཆེན་དུ།། གཤེད་ཀྱི་ཟླ་བ་ཚེས་གཅིག་ལ།། འཇིག་རྟེན་གདུག་པའི་ལྷ་སྲིན་ལ།། མཆོད་སྦྱིན་བསྔོས་ཏེ་བཀའ་བསྒོ་ལ།། དེ་ནས་དྲག་པོའི་ལས
39b6 འདི་བརྩམས།། དཀྱིལ་འཁོར་འདོམ་གང་ཚད་ལྡན་པའི།། དེ་དབུས་གྲུ་གསུམ་ཁྲུ་དོའི་ཚད།། སོར་ཚད་དྲུག་པ་རིམ་གསུམ་སྟེ།། དཔངས་ཀྱང་སོར་ཚད་དྲུག་དྲུག་པ།། ཐ་མ་ཀུན་ཏུ་ཟླུམ་པོར་བསྐོར།། དུར་ཁྲོད
iiif viewer powered by OpenSeadragon
