| e-texts navigator |
| Wylie |
35a1 བྲི།། ཐ་མ་བཅུ་བདུན་སྔགས་ཀྱིས་བསྐོར།། དེ་མཐར་ཕྱག་ཞབས་ཡང་དག་བྲི།། སྐྱེ་ཤི་བཞི་ཡང་སྲོག་ལ་གཏན་འཕོ་བའི།། ཁྲུས་མཁན་ཕོ་ཡི་འཁོར་ལོ་ཡིན།། མོ་ཟོད་དག་ལ་འདི་ལྟ་སྟེ།། རིམ་པ་གོང
35a2 དང་འདྲ་བ་ལ།། གཉིས་པ་རྩིབས་བཞི་ལེགས་པར་བྲི།། དེ་ནས་བདུན་པའི་མོ་སྔགས་ནི།། ལྟེ་དབུས་ཡ་དཀྱིལ་བསྒྲུབ་བྱ་བྲི།། དེ་མཐའ་གློག་འགྱུའི་སྔགས་ཀྱིས་བསྐོར།། གཉིས་པའི་རྩིབས་སྟེངས་འབྲུ་བཞི
35a3 བཞག། རྩིབས་མཚན་བསྒྲུབ་བྱའི་མིང་རུས་ཡུལ།། ལེགས་པར་བྷྱོ་ཡི་བར་དུ་བྲིས།། གསུམ་པར་ཕུང་བྱེད་མ་བཞིའི་སྔགས།། ཚུལ་བཞིན་འཁོར་བར་དགོད་པར་བྱ།། བཞི་པ་རོལ་པའི་གསང་སྔགས་དང་།། རལ
35a4 གཅིག་མ་ཡི་སྔགས་ཀྱིས་བསྐོར།། ཞལ་དང་ཕྱག་ཞབས་དེ་བཞིན་བྲི།། ཕུང་བྱེད་མ་ཡི་འཁོར་ལོ་ཡིན།། རྣམ་གཉིས་འཁོར་ལོ་དེ་བཞིན་དང་།། འུག་པའི་སྒོ་ངའི་མར་གྱིས་བྱུག། དེ་ལྟར་བྲི་བའི་འཁོར་ལོ
35a5 དེ།། མོ་ཐོད་གན་རྐྱལ་རི་གསུམ་རྩེ།། ཕོ་ཐོད་ཁ་སྦུབ་ཁ་སྦྱར་ལ།། ནང་དུ་དཀར་དམར་རྫས་ལ་སོགས།། གསེར་སྒོང་རྣམས་ཀྱིས་རབ་ཏུ་དགང་།། དེ་ནས་ཕུང་བྱེད་སྔགས་ཀྱིས་བྲབ།། དུས་ལ་བབ་ན་དམིགས་རྟེན
35a6 སྒྲོལ།། ཐུན་དབབ་མཚོན་གདབ་མཚོན་གྱིས་བཤིག། ཁ་བརྒྱད་སྦྱིན་སྲེག་ལས་ལ་བྱ།། སོལ་ཐལ་རྟེན་དུ་བྱས་པ་དག། སྙིང་ཤུན་བྲུབ་ལ་ཁར་བཅུ་གནས།། སྦྲུལ་གྱིས་ཁ་བཅིང་འཁོར་ལོར་གཞུག། དེ་ཉིད་ཤུན་ལ
iiif viewer powered by OpenSeadragon
