| e-texts navigator |
| Wylie |
336a1 ལྷུན་གྲུབ་རང་ཤར་ལ།། འགལ་དང་མི་འགལ་ག་ལ་ཡོད། ཆོས་སྐུ་མཉམ་ཉིད་ཆེན་པོ་ལྟར།། མཉམ་པར་ལྟ་ཡང་གནས་རྒྱུ་མེད།། རང་བྱུང་ཡེ་ཤེས་འགག་མེད་ལ།། མཉམ་དང་མི་མཉམ་ག་ལ
336a2 ཡོད།། འབྱུང་འཇུག་འཛིན་མེད་སྟོང་པར་བལྟ།། སྟོང་ཉིད་ཡུལ་ལ་གནས་པ་མེད།། རིག་པ་རང་བྱུང་ཡེ་ཤེས་ལ།། སྟོང་དང་རིག་པ་དབྱེར་མེད་ཕྱེ།། སྤྲོས་མེད་རང་བྱུང་བདེ་ཆེན་ལ།། བགྲོད་མེད་རྩོལ་བྲལ་རླུང
336a3 ལམ་ཤར།། འདི་ལ་བསྒོམ་རྒྱུ་ཅི་ཡང་མེད།། འབད་པ་རྩོལ་བའི་ནད་ཡིན་ཏེ།། རྣམ་རྟོག་རྐུན་པོར་ལྡང་བ་ལ།། སྡོང་ཆེན་བརྒྱད་པོས་ཟིལ་གྱིས་གནོན།། ཟིལ་གནོན་རྟོགས་པ་རང་སར་གྲོལ།། མཁའ་ལ་ཉི་མ་ཤར
336a4 བ་བཞིན།། སྣང་སྲིད་འཁོར་འདས་རིག་པར་ཤར།། དེ་ལ་སྤང་རྒྱུ་གང་ཡང་མེད།། དམུས་ལོང་ཆུ་བུར་མིག་ཕྱེད་བཞིན།། བླ་མ་དང་ལྡན་མན་ངག་གྲུབ།། རིག་པ་ཆོས་སྐུར་གསལ་བ་ལ།། འདི་ལ་གྲུབ་པ་གང་ཡང
336a5 མེད།། གླང་ཆེན་སྨྱོན་པ་ཇི་བཞིན་དུ།། སེམས་ཀྱི་འདུ་འཕྲོ་ངེས་མེད་ལ། འདི་རྟག་བསྟན་ཅིང་སྤྱད་དུ་མེད།། ངོ་ཤེས་མི་དང་ཕྲད་པ་བཞིན།། ཅིར་རྒྱུད་ཡེ་ཤེས་ཐུག་ཕྲད་ལ།། འདི་ལ་ཞེན་ཅིང་བླང་དུ་མེད།། རྒྱ
336a6 མཚོར་སྣང་སྲིད་གསལ་བ་བཞིན།། ལྷུན་འགྲུབ་དབྱིངས་སུ་ཀུན་གསལ་བ།། འདི་ལ་བདག་གཞན་ཐ་དད་བྲལ། ཁྱི་རྐུན་ཁང་སྟོང་ཚོལ་བཞིན་དུ།། ཆོས་ཉིད་ཅིར་ཡང་མ་རྙེད་པས།། གཞན་ནས་བཙལ་དུ་ཅི་ཡང
iiif viewer powered by OpenSeadragon
