| e-texts navigator |
| Wylie |
335b1 བདུན་སྤྲུལ་པ་འགྱེད།། བདག་གཞན་ཞེན་པ་རང་སར་གྲོལ།། རིག་པ་རྩལ་གྱི་སྡོང་པོ་ལ།། ཅིར་སྣང་རིག་པའི་གོ་བ་སྐྱེ།། གབ་པ་མངོན་འབྱུང་སྡོང་པོ་ལ།། ཆོས་སྐུ་རང་གསལ་རྟོགས་པ་འཆར།། ཡེ་ཤེས་ཟད་ཐལ
335b2 སྡོང་པོ་ལ།། རང་བྱུང་མིན་པ་ཀ་ནས་མེད།། ཆོས་སྐུ་ཐུག་ཕྲད་སྡོང་པོ་ལ།། ཅིར་སྣང་ཆོས་སྐུར་ཡེ་ཤེས་སྐྱེ།། ཆོས་ཉིད་ཅོག་བཞག་སྡོང་པོ་ལ།། ཅིར་སྣང་ཆོས་ཉིད་བྱས་ཟིན་འགྲུབ།། ཚོར་བ་རྗེས་མེད་སྡོང་པོ
335b3 ལ།། བརྟགས་སྣང་མི་བདེན་ཡིད་ཆེས་སྐྱེ།། དམིགས་པ་བརྗེད་མེད་སྡོང་པོ་ལ།། དྲན་མེད་ཉམས་སྣང་ཤུགས་ལས་འབྱུང་།། འཛིན་མེད་རྟོད་ཕུར་སྡོང་པོ་ལ།། འཛིན་མེད་ཡེ་ཤེས་ཤུགས་ལ་འཆར།། ཅེས་པ་བཅོ
335b4 བརྒྱད་ཀྱི་དོན་ནན་ཏན་དང་བཅས་པ་གསུངས་སོ།། གདམས་ངག་སྣ་ཚོགས་འཁོར་ལོའི་རྒྱུད་ནས། འཁོར་ལོ་བཅོ་བརྒྱད་ཀྱི་གདམས་ངག་གནང་བའི་ལེའུ་སྟེ་གཉིས་པའོ།། །། དེ་ནས་ཡང་སྤྲུལ་པའི་སྐྱེས
335b5 བུ་ཆེན་པོ་དེས། འཇམ་དཔལ་བཤེས་གཉེན་ལ་སོགས་པའི་འཁོར་རྣམས་ལ་འདི་སྐད་ཅེས་བཀའ་སྩལ་ཏོ།། སེམས་ཉིད་ཡེ་ནས་སངས་རྒྱས་པས།། བྱ་བཙལ་མེད་པར་ལྷུན་གྱིས་གྲུབ།། འདི་ལྟར་སྣང་བས་སངས
335b6 རྒྱས་ཉིད།། རང་བྱུང་ཡེ་ཤེས་འཕེལ་འགྲིབ་མེད།། འཁོར་འདས་ལམ་པའི་ཆོས་རྣམས་ཀུན།། གང་ཡང་བླང་དོར་མི་བྱ་ཞིང་།། ཟག་པ་མེད་པའི་ངང་ལ་བསྟིམ།། མ་བསྟིམས་བཟུང་ཡང་འགལ་རྒྱུ་མེད།། ཀུན་དངོས
iiif viewer powered by OpenSeadragon
