| e-texts navigator |
| Wylie |
334a1 ཀྱང་རྒྱལ་བའི་དགོངས་པའི་དོན།། ཀུན་བཟང་དབྱིངས་ཀྱི་དོན་ཆེན་ནས།། རང་བྱུང་རིག་པའི་རྩལ་ཤར་བས།། འདི་དོན་རྩ་བ་དག་གིས་གཟུང་།། རྟོགས་དཀའ་རྡོ་རྗེའི་རྩ་བ་ལ།། རིག་པ་རྩལ་དང
334a2 གབ་མངོན་ཕྱུང་།། ཐལ་བྱུང་ཅོག་བཞག་ཐུག་ཕྲད་དང་།། ཚོལ་བ་རྗེས་མེད་དམིགས་རྗེས་མེད། གཏོད་ཕུར་དག་གི་མན་ངག་གིས།། གཅོད་བྱེད་དོན་གྱི་འཁོར་ལོ་བསྐོར།། གདམས་ངག་སྡོང་ཆེན་བརྒྱད་པོ
334a3 ལ།། ཡལ་ག་ལོ་འདབ་དུ་མར་སྨིན།། དཔེར་ན་འཛམ་བུ་པྲིཀྵ་བཞིན།། འབྲས་བུ་དགོས་པ་དུ་མ་འབྱུང་།། དེ་བཞིན་མན་ངག་རེ་རེ་ཡིས།། འགྲོ་བའི་རང་རྒྱུད་གྲོལ་བའི་ལམ།། དཔེར་ན་གསེར་འགྱུར་རྩི་བཞིན
334a4 དུ།། དུག་ལྔ་ཡེ་ཤེས་ཆེན་པོར་འགྱུར།། སྡུག་བསྔལ་བདེ་བའི་ཀློང་དུ་འགྱུར།། དེ་འགྱུར་དེ་གསལ་བདག་གིས་ནི།། མན་ངག་སྐད་ཀྱིས་བཤད་པའི་དོན།། ཀློག་དགུ་བམ་པོ་ཉི་ཁྲི་ནས།། གདམས་ངག་བརྒྱ་དང
334a5 བརྒྱད་ཅུ་གཉིས།། མི་ནུབ་རྒྱལ་མཚན་དོན་བཀྲོལ་ནས།། གསང་བའི་དོན་གཅོད་འཁོར་ལོ་བསྐོར།། རེ་རེས་འགྲོ་བའི་རང་རྒྱུད་འགྲོལ།། རིག་པའི་མཛོད་འཛིན་ཁུ་བྱུག་ལ།། ཀློང་དགུ་བམ་པོ་ཉི་ཁྲི་ནས།། ཟབ
334a6 མོའི་གདམས་ངག་བཅུ་གཉིས་སྟོན།། རིག་པ་རྩད་གཅོད་འཁོར་ལོ་བསྐོར།། རེ་རེས་འགྲོ་བའི་རང་རྒྱུད་འགྲོལ།། རྩལ་ཆེན་དོན་གྱི་གཞི་མ་ལ།། ཀློང་དགུ་བམ་པོ་ཉི་ཁྲི་ནས།། ཟབ་མོའི་གདམས་ངག་བཅོ་ལྔ
iiif viewer powered by OpenSeadragon
