| e-texts navigator |
| Wylie |
333b1 སྣང་བའི་སྐྱེ་མཆེད་ཀྱིས།། ཆོ་འཕྲུལ་བསྟན་པ་ཇི་ལྟར་ལགས།། འདི་འདྲའི་རྫུ་འཕྲུལ་ངོ་མཚར་ཆེ།། དཔྱང་ཐག་ཆད་པའི་འགྲོ་བ་ལ།། ཟབ་མོའི་དོན་ཚན་བཤད་དུ་གསོལ།། ཞེས་ཞུས་པས། དགའ་རབ་རྡོ་རྗེས
333b2 འཇམ་དཔལ་བཤེས་གཉེན་གྱི་ཚིག་གསན་པར་གྱུར་ནས། འཇམ་དཔལ་བཤེས་གཉེན་ལ་འདི་སྐད་ཅེས་བཀའ་སྩལ་ཏོ།། ཨེ་མ་རྒྱུ་རྐྱེན་ལས་ལས་མ་བྱུང་བའི།། ཤེས་པ་ཆོས་སྐུར་གསལ་བ་ལ།། ཡོངས་པའི་ཚུལ
333b3 གྱིས་འཁོར་བར་འཁྱམས།། དེ་ལ་སྟོན་པ་རྣམ་གསུམ་གྱིས།། ལམ་ལ་སོ་སོར་བགྲོད་པ་ཡིས།། བསྟི་གནས་བཏགས་པའི་སངས་རྒྱས་ཐོབ།། ཞེན་པ་གཉིས་པོར་རང་གྲོལ་ཕྱིར།། མན་ངག་འདུས་པའི་འཁོར་ལོ
333b4 བཤད།། ཅེས་གསུངས་པས། འཁོར་ཐམས་ཅད་རྟོག་པའི་བསམ་པ་དང་འདུན་པ་བཟང་པོ་དུས་གཅིག་ཏུ་སྐྱེས་པར་གྱུར་ནས། སྐྱེས་བུ་ཆེན་པོས་བཤད་དུ་གསོལ།། ཞེས་ཞུས་སོ།། གདམས་ངག་སྣ་ཚོགས་འཁོར
333b5 ལོའི་རྒྱུད་ལས། གླེང་གཞི་ཞུས་པ་དང་བཅས་པའི་ལེའུ་སྟེ་དང་པོའོ།། །། དེ་ནས་སྟོན་པ་དགའ་རབ་རྡོ་རྗེ་བྱ་བ་དེ་ཡིས།། འཇམ་དཔལ་བཤེས་གཉེན་ལ་སོགས་པའི་མཁས་པ་ཉི་ཤུ་རྩ་གཅིག་ལ། ཨུ་རྒྱན་གྱི
333b6 སྐད་དམ་བརྡ་ཡིས་བརྒྱུད་དེ། འདི་སྐད་ཅེས་བཀའ་སྩལ་ཏོ།། ཀྱེ་མ་མ་ནོར་མ་བཅོས་དོན་ཆེན་ལ།། རང་བྱུང་ཡེ་ཤེས་རིག་པར་ཤར།། རྣམ་པར་མི་རྟོག་རྟོག་ལས་འདས།། དེ་བཞིན་ཉིད་ལ་བཅོས་སུ་མེད།། འོན
iiif viewer powered by OpenSeadragon
