| e-texts navigator |
| Wylie |
332a1 བསླུ།། བྱིལ་མ་ནོར་ཆུང་མཚང་རྣམས་རྫོགས།། དད་ཆུང་མན་ངག་སྣ་འཚོགས་བྱེད།། བཞེད་པ་མཐོ་རིས་བྱང་ཆུབ་བཞེད།། གཤེགས་པ་ན་རག་དམྱལ་བར་གཤེགས།། དེ་འདྲའི་སློབ་མ་སྣོད་ངན
332a2 ལ།། ཐེག་པའི་བཅུད་འདི་ཤིན་ཏུ་གསང་།། ཉི་ཟླ་ཐང་ལ་ལྷུང་གྱུར་ཡང་།། སྐད་ཅིག་ཙམ་ཡང་མ་བསྟན་ཅིག། དམ་ཉམས་པོ་ལ་བྱང་ཆུབ་མེད།། སྡིག་པོ་ཆེ་ལ་མཐོ་རིས་མེད།། སེར་སྣ་ཅན་ལ་མན་ངག
332a3 མེད།། འཛིན་ཆགས་ཅན་ལ་ཐར་ལམ་མེད།། ཤེས་པའི་སྒོ་དོག་ཐོས་པ་ཆུང་།། ང་རྒྱལ་ཁ་འདོར་ཁེངས་པ་དང་།། སྒོམ་སྒྲུབ་འཛའ་གད་དབང་དུ་གཏོང་།། ལྟ་བ་མེད་པའི་རས་ཆོད་མཁན།། དམ་ཚིག་ཉམས་པའི
332a4 གཟུ་ལུམས་མཁན།། སྤྱོད་པ་རྩིང་པའི་ཐོ་ཅོ་མཁན། ཁ་ཡངས་གཏིང་ཐུང་ངོ་དགའ་མཁན།། མན་ངག་མེད་པའི་བཙན་སྦྱོར་མཁན།། སྙིང་རྗེ་མེད་པའི་བཙན་སྒྲོལ་མཁན།། ཐར་ལམ་ནུབ་ཅིང་དམ་གཞུང་ཤོར།། དེ
332a5 ལ་གདམས་རྒྱུད་འདི་བསྟན་ན།། ཀུན་ཏུ་བཟང་པོ་ང་བསླུས་སོ།། གཉིས་ཀ་རྡོ་རྗེ་དམྱལ་བར་ལྟུང་།། དེ་བས་རྒྱུད་འདི་དམ་པར་ཟུང་།། བསྟན་པའི་ཡུལ་ནི་འདི་ལྟར་རོ།། དང་པོ་དད་པ་ཡོན་གྱིས་འདྲེན།། བར་དུ
332a6 སློབ་དཔོན་མིག་ལྟར་འཁུར།། སྤྱོད་པའི་མན་ངག་གཞུང་དུ་སྤྱོད།། མཚན་ཉིད་ངང་ཚུལ་བཟང་ལ་ཤིས།། ཡོངས་ལ་འཕྲག་ཡངས་དོག་པ་མེད།། རང་ཤེས་སྐྱོངས་ནས་གཞན་མི་སྨོད།། དལ་ཅིང་སྤྱོད་པ་ལྷོད་ཆགས
iiif viewer powered by OpenSeadragon
