| e-texts navigator |
| Wylie |
331b1 བསྟེན་མི་བྱ།། སྣོད་དང་བསྟུན་ལ་གཞན་ཕན་ལོང་།། འདས་པའི་ཡོན་ཏན་དགེ་བ་ཀུན།། མ་འོངས་བསྟན་པའི་འཕེལ་འགྲིབ་བརྗོད།། ད་ལྟ་གདམས་པ་ཆེ་བ་ཡིས།། ང་ཡི་རྒྱལ་ཚབ་ཁྱོད་ཀྱིས་གྱིས།། ཐེག་པ་ཀུན
331b2 གྱི་སྤྱི་ཕུད་འདི།། བསྟན་པ་དམ་པ་ཁྱོད་ལ་གཏད། ཁྱོད་ནི་ང་ཡི་སྙིང་པོར་བྱུང་།། ང་ཡི་རང་བཞིན་འདི་ཟུང་ཞིག་ཁྱོད་ཀྱིས་སྨྲ་བའི་སེང་གེ་གྱིས།། སངས་རྒྱས་སྤྱི་མེས་ཁྱོད་ཀྱིས་གྱིས། ཁྱོད་ཀྱིས་སེམས་ཅན་ཕ་མ
331b3 གྱིས།། བསྟན་པའི་སྙིང་པོ་རྒྱུད་མཆོག་འདི།། ཉན་ཐོས་ལ་སོགས་ཐེག་དམན་ལ།། རླུང་ཕྱོགས་ཙམ་ཡང་མ་བརྗོད་ཅིག། ཚིག་འདི་ཐོས་ནས་དངངས་སྐྲག་བརྒྱ་ལ།། གསང་སྔགས་སྤྱི་ལ་ཡིད་ཕྱུང་ནས།། རྣམ་སྨིན
331b4 དམྱལ་བ་མནར་མེད་ལྟུང་།། བསྟན་ཅིང་ཐོས་པའི་གླགས་མེད་དོ།། བལྟ་བའི་རྒྱལ་པོ་དོན་གྱི་སྙིང་།། མན་ངག་ཀུན་གྱི་རྩ་བ་འདི།། སེར་སྣ་ཆེ་ལ་དད་པ་ཆུང་།། རྣ་བས་ཐོས་ན་བཞེད་པ་དཔའ།། ལག་ཏུ་ཐོབ་ན
331b5 ཟོཐོང་དུ་ཆེ།། དོན་དུ་མི་བསྒོམ་ཚིག་ཏུ་རེད། ཁྲེལ་མེད་ཐབས་ཀྱིས་འདོད་པ་ལ།། ཡུལ་ཁམས་སྟེར་ཡང་མི་སྦྱིན་ནོ།། ཐོས་མེད་ཤེས་ཆུང་ཟོ་ཙོ་མཁན།། མན་ངག་གདེང་དུ་མ་གྱུར་པར།། ང་ཆེ་སློབ་དཔོན་ས་འཛིན
331b6 པ།། སྒང་ཁ་བྱེ་ཕྲུག་རུམ་པ་འདྲ།། དེ་ལ་རྒྱུད་འདིའི་སྐལ་བ་མེད།། དམ་ཚིག་ཉམས་དང་རྫུན་པོ་ཆེ།། སློབ་དཔོན་བཀའ་བཞིན་གཅིག་མི་བྱེད།། གཞོགས་ངོམ་བྱེད་ཅིང་རང་ཆེ་འབྱིན།། དྷརྨ་རྐུ་ཞིང་ཆོས་རྣམས
iiif viewer powered by OpenSeadragon
