| e-texts navigator |
| Wylie |
331a1 གིས།། རྒྱུད་འདི་མཐོང་བས་བསྙེན་བསྒྲུབ་ཟིན།། ཚིག་འདི་ཟོས་པས་རང་སར་གྲོལ།། ལུང་འདི་སྣང་བས་གཏན་ལ་ཕེབས།། དོན་འདི་བལྟས་པས་འཛིན་ཆགས་བྲལ།། ལྟ་བ་ཀུན་གྱི་མཐར་ཐུག
331a2 ཆེ།། དེ་ཡི་ཕྱིར་ན་གསང་རྒྱུད་འདི།། འཛིན་འཆང་སྐྱེས་བུ་སྐལ་བ་ཆེ།། རང་རིག་རྩལ་གྱི་དབང་ཐོབ་སྟེ།། རྒྱུད་འདི་རེག་པ་ཙམ་གྱིས་ནི།། ཀུན་བཟང་ང་དང་སྐལ་བ་མཉམ།། རྒྱུན་དུ་གུས་པར་བྱེད་པ་དང་།། སྤྱི
331a3 བོར་ལ་སོགས་འཆང་བ་ན།། ཚེ་འདིར་ཐུན་མོང་དངོས་གྲུབ་ཐོབ།། སྤྲུལ་པའི་སྐུ་རུ་ངེས་པར་འགྱུར།། ཕྱི་མ་བར་དོ་མེད་པར་གྲོལ།། འདི་ཉིད་མཆོད་ཅིང་བསྟོད་པ་ན།། དུས་གསུམ་བདེ་གཤེགས་མཆོད་པ
331a4 དང་།། བསོད་ནམས་ཡོན་ཏན་མཚུངས་པའོ།། རྒྱུད་འདི་སུ་ཡིས་བཀླག་པའི་མིས།། ལྟ་བའི་དོན་ཀུན་སེམས་ལ་འཆར།། དངོས་གྲུབ་རྣམ་གཉིས་ཆར་ལྟར་འབབ།། འདི་ཉིད་སུ་ཡིས་བྲིས་པ་དེ།། སངས་རྒྱས་ཀུན
331a5 གྱི་གསུང་ལ་རོལ།། ཚེ་འདིར་གདུང་དང་རིང་བསྲེལ་འབྱུང་།། ཕྱི་མ་སྤྲུལ་པའི་སྐུ་རུ་འགྱུར།། རྒྱུད་འདི་གང་ན་གནས་པ་ན།། མཁའ་འགྲོ་ཆོས་སྐྱོང་སྤྲིན་ལྟར་འདུ།། ལྷ་དང་ལྷ་མོས་མཆོད་པར་བྱེད།། དེ་ལྟ་བུ་ཡི
331a6 རྒྱུད་ཆེན་འདི།། སེམས་དཔའ་རྡོ་རྗེ་ཁྱོད་ལ་གཏད།། གདུལ་བྱ་རེ་ལ་གསུངས་པའི་ཆོས། ཁྱོད་ཀྱིས་ཀུན་ལ་ཚིམ་པར་སྟོན།། གསང་སྔགས་ནང་ན་ཆེས་གསང་བ།། ཨ་ཏི་ཆེན་པོ་འདི་ཉིད་ནི།། ཐེག་དམན་སྣོད་ལ
iiif viewer powered by OpenSeadragon
