| e-texts navigator |
| Wylie |
330b1 ལགས།། དེ་སྐད་ཐུགས་བསྐུལ་བཀའ་སྩལ་པ།། ཨ་ཧོ་སེམས་དཔའ་རྡོ་རྗེས་ཉོན།། རྒྱུད་ཆེན་ལྟ་བ་ཀློང་ཡངས་འདི།། གསང་སྔགས་ཀུན་གྱི་རྒྱུད་ཡིན་པས།། གསང་རྒྱུད་ཆེན་མོ་ཞེས་སུ་གྲགས།། རྫོགས་ཆེན་ཀུན
330b2 གྱི་སྲོག་ཡིན་པས།། སྲོག་རྒྱུད་ཆེན་མོ་ཞེས་སུ་གྲགས།། ཨ་ཏི་སྤྱི་ཡི་རྒྱུད་ཡིན་པས།། སྤྱི་རྒྱུད་ཆེན་མོ་ཞེས་སུ་གྲགས།། དགོངས་པ་ཀུན་གྱི་དོན་ཁྲེལ་བས།། དགོངས་དོན་ཆེན་མོའི་རྒྱུད་ཅེས་གྲགས།། བརྡ་ཆོས་ཀུན
330b3 གྱི་སྒོ་འབྱེད་པས།། བརྡ་རྒྱུད་ཆེན་མོ་ཞེས་སུ་གྲགས།། ཚིག་དང་ཡི་གེ་རིས་སུ་གསལ།། སྙན་བརྒྱུད་ཆེན་མོ་ཞེས་སུ་གྲགས།། ཐེག་པ་མ་ལུས་ཀུན་འབྱེད་པས།། གསལ་བར་བྱེད་པའི་མེ་ལོང་ཡིན།། རབ་ཟབ་རྒྱ་ཆེ
330b4 ཀློསློང་ཡངས་མཚན།། བལྟ་བའི་མེ་ལོང་དགོངས་པ་ཡིན།། སྡུག་བསྔལ་རྒྱ་མཚོ་སྐེམས་པས་ཏེ།། སྐལ་ལྡན་འབྲེལ་ཚད་ཆོས་སྐུར་གྲོལ།། ཐེག་པའི་ཡང་སྙིང་ཨ་ཏི་ཟེར།། དགོངས་པ་མ་ལུས་ཁྲོལ་བའི་ཀློང་།། ནམ
330b5 མཁའ་ལྟ་བུར་ཡངས་པའི་རྒྱུད།། མངོན་སུམ་རང་གནད་གཅར་ཕོག་ཏུ།། སངས་རྒྱས་སྟོན་པའི་རྒྱུད་ཆེན་པོ།། ཨ་ཧོ་སེམས་དཔའ་རྡོ་རྗེ་རྩལ།། བླ་མེད་རྒྱུད་འདི་མ་ཤེས་པར།། ཉམས་སུ་ལེན་འདོད་ཐེག་པ་རྣམས།།
330b6 ཁ་བྲག་ལམ་ལ་ཞུགས་པའམ།། མུན་ཁུང་ནང་དུ་མཛུབ་གཡུགས་འདྲ།། རྒྱུད་འདི་ཤིན་ཏུ་དཀོན་པ་སྟེ།། སྔར་འདས་རྒྱལ་བས་འདི་མ་གསུངས།། ད་ལྟའི་རྒྱལ་བས་གསུངས་པ་དེ།། སྐལ་བར་ལྡན་པའི་གང་ཟག
iiif viewer powered by OpenSeadragon
