| e-texts navigator |
| Wylie |
330a1 རྫོགས།། རང་ཁྱབ་ཡིན་ཕྱིར་འབྲས་བུ་རྫོགས།། རང་སངས་ཡིན་ཕྱིར་རྒྱུ་རྐྱེན་རྫོགས།། རང་རྟོགས་ཡིན་ཕྱིར་ཆོས་ཉིད་རྫོགས།། རང་གནས་ཡིན་ཕྱིར་རྒྱུད་ལུང་རྫོགས།། རང་རྫོགས་ཡིན་ཕྱིར་དུས
330a2 གཅིག་རྫོགས།། རྫོགས་པ་ཆེན་པོའི་ངོ་བོ་ལ།། རང་རྫོགས་རང་གྲོལ་རང་སར་བརྡལ།། དོན་རྣམས་སྐྱེ་མེད་དབྱིངས་སུ་རྫོགས།། ཆོས་རྣམས་བརྗོད་པའི་ཚིག་དང་བྲལ།། ཡི་གེ་མེད་པའི་རིགས་པར་རྫོགས།། ལུང
330a3 རྣམས་བསྟན་དུ་མེད་པར་རྫོགས།། མན་ངག་བརྗོད་སྒྲ་བྲལ་བར་རྫོགས།། སྒྲུབ་པ་བྱ་ཕྱིར་མེད་པར་རྫོགས།། སྤྱོད་པ་མ་བཅོས་གནས་ལུགས་རྫོགས།། སྒོམ་པ་རང་གསལ་འཛིན་མེད་རྫོགས།། ལྟ་བ་མ་འགགས
330a4 ཟང་ཐལ་རྫོགས།། འབྲས་བུ་ཚིག་ཆོད་ཆེན་པོར་རྫོགས།། ཐམས་ཅད་མི་གནས་ཀློང་དུ་རྫོགས།། གཞི་ནི་ཡེ་ཤེས་གསུམ་དུ་རྫོགས།། ལམ་ནི་སྐུ་ལྔ་ཡེ་ཤེས་རྫོགས།། འབྲས་བུ་ཕྱིར་མི་ལྡོག་པར་རྫོགས།། ཡེ་ཤེས
330a5 སྣང་བ་མ་འདྲེས་རྫོགས།། རིག་པ་བདག་འཛིན་བྲལ་བར་རྫོགས།། ཐམས་ཅད་ཀློང་ན་ཡངས་པའོ།། ཞེས་གསུངས་ནས་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས།།
330a6 མཐར་ཟུག་འབྲས་བུ་གྲོལ་ས་ཆེན་པོ་བསྟན་པའི་ལེའུ་སྟེང་གཉིས་པའོ།། ས་མ་ཡ། རྒྱ་རྒྱ་རྒྱ།། གམས་མས་སེམས་དཔའ་རྡོ་རྗེས་ཡང་གསོལ་པ།། ཀྱེ་ཧོ་སྟོན་པ་ཀུན་ཏུ་བཟང་།། རྒྱུད་ཀྱི་ཆེ་བ་གང་ལྟར
iiif viewer powered by OpenSeadragon
