| e-texts navigator |
| Wylie |
32a1 བྷྱོ།། གདུག་པའི་དྲིལ་སྔགས་དྲག་པོ་ཡིན།། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། ཤན་པ་སྲོག
32a2 སྔགས་ཀྱི་ལེའུ་བཅུ་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་རོལ་པའི
32a3 ལས་བཤད་དེ།། སྡེ་བརྒྱད་དྲེགས་པའི་དཀྱིལ་འཁོར་འདི།། བཀའ་ཐོབ་བསྙེན་པ་རྫོགས་པ་ཡིས།། དུར་ཁྲོད་རོ་ཡི་ངས་བླངས་ལ།། མཛེ་ཅན་བསྲེགས་པའི་རུས་སོལ་དང་།། བི་ཥའི་ཐལ་བ་མཛོ་རྟོལ་དང་།། སྦྲུལ
32a4 དང་སྦལ་པའི་སྙིང་ཁྲག་དང་།། བི་ཥའི་འདབ་མའི་སྔོ་ཁུ་དང་།། སྐྱེར་པའི་རྩ་ཤུན་བཀུས་པ་ལ།། ཕོ་རོག་སྒྲོ་མར་སྒྲོ་སྐྱུག་གིས།། མགོ་དགུ་རོལ་པའི་གཟུགས་བྲིས་ལ།། ཁ་བགྲད་གཟུགས་ཆེན་དུང་ཀ་ཆུ་སྲིན
32a5 ཅན།། མགོ་ལུས་མིག་གང་མཇུག་མ་སྦྲུལ།། སྡེ་བརྒྱད་དཔོན་སྣར་མཁས་པས་བྲི།། བསྟོད་དང་མཆོད་པ་ཀུན་རྫོགས་ནས།། ཀོང་ཚེར་འཇུག་པའི་ཚེས་གྲངས་ལ།། ནུབ་ནས་མཁས་པས་དགྲ་ནས་ཀྱང་།། གྲོ་གའམ
32a6 དུར་ཁྲོད་རས་ཆེན་ལ།། ཁྲག་ཆེན་དག་གིས་གང་དམིགས་བྲི།། དེ་ནས་རྣལ་འབྱོར་བདག་ཉིད་ཀྱིས།། གཤེད་པོ་ཁྲོས་པའི་སྐུར་བསྐྱེད་དེ།། སྲིད་པའི་མ་མོ་ཀུན་མངག་སྟེ།། གང་དམིགས་རྣམ་ཤེས་རླུང་འདྲ།
iiif viewer powered by OpenSeadragon
