| e-texts navigator |
| Wylie |
329b1 གཏད་བྲལ་བས་སྐུ་གསུམ་རྒྱས།། ཞེན་པ་མེད་པས་རྣམ་རྟོག་སངས།། འཛིན་པའི་ཡུལ་མེད་འོད་ལྔ་རྒྱས།། ཆགས་པ་མེད་པས་མ་རིག་སངས།། དོན་ལྡན་རང་སྣང་འབྲས་བུ་རྒྱས།། དེ་ཕྱིར་རང་རིག་སངས་རྒྱས
329b2 ཡིན།། སངས་རྒྱས་གཞན་ནས་བཙལ་དུ་མེད།། དཀྱིལ་འཁོར་ལྷ་དང་དམ་ཚིག་དང་།། ཆོ་ག་ཕྲིན་ལས་ལ་སོགས་དང་།། སྐུ་གསུམ་སྐུ་ལྔ་ལ་སོགས་པ།། བསྐལ་པ་ཞིང་གི་རྡུལ་སྙེད་རྣམས།། རིག་པ་ཡེ་ཤེས་ངང་དུ
329b3 རྫོགས།། རྫོགས་ཞེས་ཚིག་གི་བླ་དགས་ཙམ།། ཨ་ཧོ་སེམས་དཔའ་རྡོ་རྗེ་ཉོན།། དྲི་མེད་རྫོགས་ཆེན་བརྡལ་ཁྱབ་རྗེ།། མཁའ་མཉམ་རྡོ་རྗེའི་སྐུ་ལ་བསྐྱེད།། སྟོང་པ་ཡང་དག་ལུས་སུ་རྫོགས།། སེམས་སོགས་འཛིན
329b4 པའི་ཆོས་ལས་གྲོལ།། སྐྱེ་མེད་ཡང་དག་ངོ་བོ་ཉིད།། མ་བསྐྱེད་རིག་པ་མཁའ་ལ་གསལ།། སྐྱེ་མེད་ཀློང་དུ་ཡང་དག་འདུས།། འགག་མེད་ཀློང་དུ་དེ་བཞིན་གཤེགས།། རྣམ་དག་སྤྱད་ལྡན་མངོན་སངས་རྒྱས།། སྟོང་པ
329b5 སྟོང་པའི་ཡུལ་ལ་གནས།། དག་པས་དག་པའི་དཀྱིལ་འཁོར་རྙེད།། ཨེ་མ་རང་སྣང་རིག་མདངས་ཉོན།། ངོ་བོའི་ཆོས་རྣམས་སྟོང་པར་རྫོགས།། རང་བཞིན་ཆོས་རྣམས་གསལ་བར་རྫོགས།། ཐུགས་རྗེའི་ཆོས་རྣམས
329b6 མ་འགགས་རྫོགས།། སྐུ་གསུམ་རང་རིག་གཞི་སྣང་ལ།། རང་བྱུང་བརྡལ་བ་ཆེན་པོར་རྫོགས།། སྣང་བ་ཡིན་ཕྱིར་ཡུལ་རྣམས་རྫོགས།། རང་དག་ཡིན་ཕྱིར་ས་ལམ་རྫོགས།། རང་རིག་ཡིན་ཕྱིར་ཤེས་བྱ
iiif viewer powered by OpenSeadragon
