| e-texts navigator |
| Wylie |
324b1 བྲལ།། ལྷུན་གྲུབ་ཀ་དག་རང་གྲོལ་ལོ།། དབང་པོ་དག་གི་བྱེ་བྲག་གིས།། རབ་ནི་སྐད་ཅིག་གསུམ་ལ་གྲོལ།། འབྲིང་ནི་སྐད་ཅིག་ཉེར་གཅིག་གམ།། ཞག་པོ་ལྔ་ལ་གྲོལ་བར་འགྱུར།། ཐ་མ་སྦྲུལ་སྐུའི་ཞིང་ཁམས
324b2 སུ།། བར་དོ་མེད་པར་སངས་རྒྱའོ།། ཆོས་ཉིད་བར་དོའི་འཆར་ཚུལ་ཡིན།། ཅེས་གསུངས་ནས་ལྷན་ནེར་བཞུགས་སོ།། ཐེག་པའི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ཆོས་ཉིད་བར་དོའི་ལེའུ་སྟེ་ཞེ་དགུ
324b3 པའོ།། །། ས་མ་ཡ། རྒྱ་རྒྱ་རྒྱ། ཐ་ན་རྣམ་གས་རྦ་ཨཿ། སེམས་དཔའ་རྡོ་རྗེས་ཡང་ཞུས་པ།། ཀྱེ་ཧོ་སྟོན་པ་ཀུན་ཏུ་བཟང་།། ཆོས་ཉིད་བར་དོ་དེ་ལྟར་ན།། སྲིད་པ་བར་དོ་ཇི་ལྟ་བུ།། སྟོན་པས་གསན
324b4 ནས་བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་ཉོན།། བླ་མེད་ཐེག་མཆོག་འདིར་ཞུགས་ནས།། བརྩོན་འགྲུས་ཐ་མ་གཅིག་ཡིན་ཀྱང་།། སྲིད་པའི་བར་དོར་སྣང་ཙམ་ལས།། རྨི་ལམ་སད་པ་ལྟར་གྱུར་ནས།། འདི
324b5 ནས་སྦྲུལ་སྐུའི་ཞིང་ཁམས་སུ།། དབུགས་དབྱུང་སྐྱེ་བ་གཅིག་གིས་ཐོགས།། དེ་ནས་མཐར་ཕྱིན་གྲོལ་བར་འགྱུར།། ཆོས་སྒོ་འདི་ཉིད་མ་མཐོང་བའི།། གང་ཞིག་འགྲོ་བ་ཕལ་པ་རྣམས།། གོང་གི་ཆོས་ཉིད་བར་དོ
324b6 ལ།། གདམས་པའི་གནད་མེད་ངོ་མ་ཤེས།། འོད་ལ་འཇིགས་ཤིང་ཟེར་ལ་དངངས།། ཀུན་ལ་རྟོག་པ་ཟོས་པ་ཡིས།། དབང་པོ་མར་ལ་ཁ་འཁྱལ་ནས།། སྲིད་པའི་བར་དོ་ཉིད་དུ་ཚུད།། སྔོན་བྱུང་སྲིད་པའི་ཤ་གཟུགས
iiif viewer powered by OpenSeadragon
