| e-texts navigator |
| Wylie |
324a1 ལ།། མངོན་པར་ཤེས་པ་དྲུག་ཕྲག་དྲུག། ཤིན་ཏུ་གསལ་བར་འཆར་བའོ།། སྐད་ཅིག་མ་ནི་གཉིས་པ་ལ།། རྗེས་སུ་དྲན་པ་དྲུག་འཆར་ཏེ།། ལྷ་དང་བླ་མ་སྐྱེ་གནས་དང་།། གདམས་ངག་ལྟ་བ་རྗེས་སུ
324a2 དྲན།། འདི་དུས་མི་བརྗེད་གཟུངས་རྣམས་ཀྱང་།། རང་གི་རྒྱུད་ལ་སྐྱེ་བར་འགྱུར།། སྐད་ཅིག་མ་ནི་གསུམ་པ་ལ།། གྲོལ་བའི་ཐིམ་ལུགས་བརྒྱད་འབྱུང་སྟེ།། ཐུགས་རྗེ་ཐུགས་རྗེ་ལ་ཐིམ་སྟེ།། ཉི་མ་ནུབ་པའི་ཟེར་ཐག
324a3 ལྟར།། གཟིགས་སྣང་ཀུན་ལས་འདས་པའོ།། ཡེ་ཤེས་ཡེ་ཤེས་ལ་ཐིམ་པས།། མ་པང་བུ་ཚུད་ལྟ་བུ་སྟེ།། ཆོས་ཉིད་མ་དང་རིག་པ་བུ།། ལྷུན་གྲུབ་སྦུབས་སུ་འཛོམ་པའོ།། འོད་ནི་འོད་ལ་ཐིམ་པ་སྟེ།། འཇའ་ཚོན་ནམ
324a4 མཁར་ཡལ་བ་ལྟར།། འོད་སྣང་ལྔ་ཡང་ནམ་མཁའ་འདུས།། སྐུ་ནི་སྐུར་ཐིམ་བུམ་སྐུ་འདྲ།། ཤེས་བྱ་ནང་དུ་གསལ་བས་ན།། མཚན་མ་ཞལ་ཕྱག་ཅན་དུ་མེད།། རང་ངོ་རྣམ་པར་དག་པའོ།། གཉིས་མེད་གཉིས་མེད
324a5 ལ་ཐིམ་སྟེ།། ཆུ་ལ་ཆུ་བོ་ཐིམ་པ་ལྟར།། གཏད་པའི་ཡུལ་མེད་རང་སངས་ཉིད།། མཐའ་གྲོལ་མཐའ་གྲོལ་ལ་ཐིམ་པས།། ནམ་མཁའ་ནམ་མཁར་ཐིམ་པ་ལྟར།། གཏད་པའི་ཡུལ་མེད་ཀ་ནས་དག། མ་དག་དག
324a6 པར་ཐིམ་པས་ཏེ།། སྒྲ་ཡི་ཚོན་ཟག་བསྡུས་པ་ལྟར།། ཐིག་ལེ་ཉག་གཅིག་ངང་དུ་རྫོགས།། དག་པ་ཡེ་ཤེས་ཆེན་པོ་ནི།། ངོ་བོའི་སྐུ་ལ་ཐིམ་པས་ཏེ།། སེང་གེ་གངས་ལ་ཟིན་པ་ལྟར།། ཡ་ངའི་རྟོག་པ་ཀུན་དང
iiif viewer powered by OpenSeadragon
