| e-texts navigator |
| Wylie |
323b1 པོ་རྒྱ་མ་ཆད།། རང་རིག་འོད་དུ་ཤར་བས་ན།། སྣང་བ་ཐམས་ཅད་ནང་ན་གསལ།། རང་རིག་སྐུ་ལྟར་ཤར་བས་ན།། ཤེས་པའི་ཁ་ནི་ཕྱིར་མ་ཤོར།། རང་རིག་ཡེ་ཤེས་ལྟར་ཤར་བས།། སྣང་བ་ཐམས་ཅད་ཟང་ཐལ
323b2 ཉིད།། རང་རིག་གཉིས་མེད་ལྟར་ཤར་བས།། རང་གི་ཤེས་པ་རྩེ་གཅིག་གནས།། རང་རིག་མཐའ་གྲོལ་ལྟར་ཤར་བས།། མཐའ་ནི་གང་ལ་ཡང་མི་གནས།། མ་དག་འཁོར་བའི་སྒོ་ལྟར་འཆར།། སྲིད་པའི་བྱུང་ཁུངས
323b3 མ་འགགས་སོ།། དག་པ་ཡེ་ཤེས་སྒོ་ལྟར་འཆར།། ཆོས་ཉིད་མ་དང་བུ་འབྲལ་ལོ།། ཇི་ལྟར་མཐོང་བའི་ཡུལ་སྣང་ཀུན།། ཞི་བ་དང་ནི་ཁྲོ་བོའི་སྐུ།། ཆེ་བ་ནམ་མཁའི་མཐའ་དང་མཉམ།། ཆུང་བ་ཉུང་དཀར་འབྲུ་གུ
323b4 ཙམ།། འབྲིང་བ་རྣམས་ནི་རི་རབ་ཙམ།། རང་གི་སྙིང་དང་ཀླད་པ་ནས།། ཐོན་ནས་དེ་ལྟར་འཆར་བར་འགྱུར།། མང་ཉུང་དཔག་ཏུ་མེད་པ་སྟེ།། མགོ་བརྙན་མཚོན་ཆ་སྣ་ཚོགས་ཐོགས།། འོད་ནི་ཉི་མ་འབུམ་ཤར
323b5 ཙམ།། སྒྲ་ནི་འབྲུག་སྟོང་ལྡིར་བ་ཙམ།། ཟེར་ནི་མཚོན་ཆ་ཟིངས་པ་ཙམ།། སྐྲ་ཡིས་སྐྲག་ཅིང་སྒྲ་ཡིས་སྔངས།། ཟེར་གྱིས་སྣང་བ་ཡང་བར་བྱེད།། རང་གི་ཕྱོགས་སུ་རྔུབ་པ་སྙམ།། དེ་ལ་འཇིགས་པར་མ་བྱེད
323b6 པར།། རང་སྣང་ཡིན་པར་ཐག་ཆོད་ཅིག། རང་རིག་ཡིན་པར་ཐག་ཆོད་ཅིག། མ་བུ་གཉིས་པོ་མ་འཛོལ་ཅིག། སྒྲོ་རྟོག་མ་བྱེད་ཟག་ཆོད་ཅིག། དེ་ལྟར་ཤར་ལུགས་བརྒྱད་བྱུང་དུས།། སྐད་ཅིག་མ་ནི་དང་པོ
iiif viewer powered by OpenSeadragon
