| e-texts navigator |
| Wylie |
323a1 ཟིན།། རང་སྣང་ཡིན་པར་ཤེས་གྱུར་ན།། རང་བཞིན་དུ་ནི་མི་རྟོག་པའི།། བསམ་གཏན་དག་ལ་གནས་པ་དང་།། འོད་ཉིད་རིག་པར་ཚུར་འསྡུག་པ།། ཡང་ནི་རང་གི་སྙིང་ནང་ནས།། འོད་ཟེར་ཚོན
323a2 སྐུད་བསྒྲིལ་བ་གཅིག། ཚོམ་བུའི་ལྷ་ཚོགས་ཐུགས་ཀར་འབྲེལ།། དེ་དུས་ཚོམ་བུའི་ལྷ་ཚོགས་རྣམས།། རང་ལ་ཐིམ་པའི་སྣང་བ་འཆར།། དེ་ནི་འོད་ཟེར་རིག་པ་ལ།། ཚུར་ལ་འཇུག་པ་ཞེས་བྱའོ།། དེ་ནས་གྲོལ་བ
323a3 ལུས་ཀྱི་གནད།། འདི་ཡི་དུས་ན་ཕུང་པོ་ལྔ།། བདག་ཏུ་འཛིན་པ་རང་དེངས་པས།། ལུས་ནི་ལོངས་སྤྱོད་རྫོགས་སྐུར་གྲོལ།། འབྱུང་བའི་རྡོས་བཅས་རང་དེངས་པས།། འོད་གསལ་བདེ་ཆེན་ཀློང་དུ་གྲོལ།། ཉོན
323a4 མོངས་ཕྲ་རགས་རང་གྲོལ་བས།། འོད་གསལ་རིག་པ་ཆོས་སྐུར་ཤར།། རིག་པ་མ་ལ་བུ་ཐིམ་གྲོལ།། འདི་དུས་ཡེ་ཤེས་བཞི་སྦྱོར་གྱི།། སྣང་བ་རང་གི་སྙིང་ལས་འཆར།། དཀར་སེར་དམར་དང་མཐིང་གའི
323a5 འོད།། སྣང་བུ་བརྐྱང་པ་ལྟ་བུའི་ཁར།། ཐིག་ལེ་ཟེར་དང་ལྡན་པ་ནི།། མེ་ལོང་ཁ་སྦུབ་བྱས་པ་ལྟར།། ཤིན་ཏུ་གསལ་ལ་འཚེར་བ་ལ།། རང་བཞིན་ཐིག་ལེ་ལྔ་ལྔ་ཡིས།། འོད་སྣང་བཞི་ཀའི་སྟེང་དུ་བརྒྱན།། དེ་ནི་ཡེ
323a6 ཤེས་བཞི་སྦྱོར་ཏེ།། རྡོ་རྗེ་སེམས་དཔའ་ཁོང་སེང་ལམ།། རིག་པའི་སྣ་ཐག་ཅེས་བྱའོ།། དེ་ཚེ་འཆར་ལུགས་བརྒྱད་འཆར་ཏེ།། དེ་ཡང་རང་རིག་ཡེ་ཤེས་འདི།། ཐུགས་རྗེ་ལྟར་དུ་ཤར་བས་ན།། འཁོར་འདས་གཉིས
iiif viewer powered by OpenSeadragon
