| e-texts navigator |
| Wylie |
322b1 ལུས་ཀྱི་བག་ཆགས་ཀྱིས།། རྗེས་བཅས་ལུས་འདི་མི་སྣང་ཀྱང་།། ཡོད་དོ་སྙམ་པའི་ཤེས་པ་འབྱུང་།། སྟེང་འོག་ཕྱོགས་མཚམས་མ་ལུས་ཀུན།། བར་མཚམས་མེད་པ་འོད་ལྔའི་ཞིང་།། ཕྱི་ནས་བལྟས་པས་ནང་ཡང
322b2 གསལ།། ནང་ནས་བལྟས་པས་ཕྱི་ཡང་གསལ།། ལྡེམ་ལྡེམ་བཞིན་ནམ་མེར་མེར་བཞིན།། མནན་ན་ནེམ་ནེམ་བྱེད་པ་སྙམ།། བཏེགས་ན་འཕར་བར་སྙམ་པ་དང་།། ཤིན་ཏུ་ཡིད་དུ་འོང་བ་དང་། ཁ་དོག་ལྔ་རུ་གསལ
322b3 བ་དང་།། འཕྲ་བ་འགུལ་བ་འཕྲིག་པ་དང་།། གསལ་འཚེར་ལྷུན་སྡུག་གཟི་བརྗིད་འཕྲོ།། རྒྱ་ཆེ་ཁོག་ཡངས་དཔངས་མཐོ་བ།། རྩེ་མོ་ཡངས་པ་ཞེས་བྱ་སྟེ།། བྱས་པ་མེད་པར་རབ་བྱུང་བཞུགས།། དེ་ཚེ་དུས་གནད
322b4 གསུམ་ཡིན་ཏེ།། འཇུག་པ་ཤེས་པའི་གནད་དང་ནི།། གྲོལ་བ་ལུས་ཀྱི་གནད་དག་དང་།། མཐར་ཕྱིན་རང་ངོ་ཤེས་པའི་གནས།། འཇུག་པ་ལ་ཡང་དུས་གཉིས་ཏེ།། རིག་པ་འོད་ལ་འཇུག་པ་དང་།། འོད་ནི་རིག་པར
322b5 འཇུག་པའོ།། རིག་པ་འོད་ལ་ཕར་འཇུག་པ།། གང་གི་འོད་སྣང་དེ་དག་ནི།། སྐུ་ཡི་སྣང་བར་འཆར་བ་སྟེ།། དཔག་མེད་གྲངས་ལས་འདས་པ་ལ།། སེམས་དཔའ་དང་ནི་སེམས་མར་བཅས།། ཡབ་དང་ཡུམ་གྱི་ཆ
322b6 འཛིན་ཅིང་།། མུ་ཁྱུད་འོད་ལྔའི་ར་བས་བསྐོར།། སྣང་བ་ཐམས་ཅད་སྐུ་རུ་འཆར།། དེ་ཚེ་རང་གི་སྙིང་ག་ནས།། འོད་ཟེར་ཤིན་ཏུ་འཕྲ་བ་གཅིག། ལྷ་སྐུ་ཀུན་དང་འབྲེལ་བར་སྣང་།། དེ་ལ་རང་གི་ཤེས་པས
iiif viewer powered by OpenSeadragon
