| e-texts navigator |
| Wylie |
322a1 རྣམས་ཐམས་ཅད་རང་གི་སྒྲ།། འོད་ཟེར་ཐམས་ཅད་རང་གི་འོད།། སྣང་བ་ཐམས་ཅད་རང་སྣང་ངོ་།། གསལ་སྟོང་འཛིན་པ་མེད་པའོ།། དབྱིངས་དང་རིག་པ་མ་འགྱུར་ན།། མི་དེ་བར་དོ་མེད་པར
322a2 འགྱུར།། གལ་ཏེ་དབྱིངས་ཉིད་མ་གསལ་ན།། བླ་མས་བར་དོའི་འོད་སྣང་རྣམས།། ཡང་ཡང་སྤྱི་བོར་ཁ་གཏད་བཤད།། བཏགས་གྲོལ་རྒྱུད་དང་གདམས་པ་རྣམས།། རྣ་བར་སྦུ་གུ་བཅུག་ལ་བཤད།། དེས་ནི་བརྟན
322a3 པ་ཐོབ་པར་འགྱུར།། ཅེས་གསུངས་སོ།། ཐེག་པའི་སྤྱི་ཕུད་ཀློང་ཆེན་རབ་འབྱམས་ཀྱི་རྒུད་ལས། འཆི་བ་བརྟག་པ་བསླུ་བ་དང་། འཆི་ཁ་བར་དོ་བསྟན་པའི་ལེའུ་སྟེ་ཞེ་བརྒྱད་པའོ།། །། ས་མ་ཡ། རྒྱ་རྒྱ་རྒྱ།
322a4 རྦཐ་ཝཊ། ཆེ་སརྦཿསེམས་དཔའ་རྡོ་རྗེས་ཡང་ཞུས་པ།། ཀྱེ་ཧོ་འཆི་ཁའི་བར་དོ་དེ་ལྟར་ན།། ཆོས་ཉིད་བར་དོ་ཇི་ལྟར་ལགས།། སྟོན་པས་གསན་ནས་བཀའ་སྩལ་པ།། ཀྱེ་ཧོ་སེམས་དཔའ་རྡོ་རྗེ་ཉོན།། ཆོས་ཉིད་པར
322a5 དོ་ཞེས་བྱ་བ།། དེ་དུས་རླུང་གིས་རྣམ་ཤེས་ལ།། ཐིམ་པས་ནང་དབུགས་འཆད་པར་འགྱུར།། རྣམ་ཤེས་ནམ་མཁའ་ལ་ཐིམ་པས།། ལུས་དང་སེམས་ཀྱི་འབྲེལ་པ་ཆད།། དབུགས་ནི་བར་སྣང་ཁམས་སུ་ཡལ།། ལུས
322a6 པོ་བེམ་པོར་ལིངས་ཀྱིས་འགྲོ།། རིག་པ་མེ་སྟག་ཡལ་བ་ལྟར།། འོད་གསལ་ཆོས་ཉིད་ས་རུ་སླེབ།། ནམ་མཁའ་འོད་གསལ་ལ་ཐིམ་པས། ཕྱི་ཡི་ས་རྡོ་རི་བྲག་འགག། ནང་དུ་འོད་གསལ་ཆོས་ཉིད་འཆར།། སྔར་གྱི
iiif viewer powered by OpenSeadragon
