| e-texts navigator |
| Wylie |
321b1 འཆི་བ་བསླུ་བ་འདིས།། བདུད་ལས་རྒྱལ་ནས་བུདྡྷའོ།། དུས་ལ་བབ་སྟེ་མ་བཟློག་ན།། སྐྱེས་བུའི་ལུས་ལ་ནད་བཏབ་ནས།། རྟགས་འདི་སུ་ལ་བྱུང་བ་དེ།། འཆི་བའི་དུས་ནི་ངེས་པ་ཡིན།། ས་ནི་ས་ལ་ཐིམ་པ
321b2 ན།། ལུས་ནི་ལྕི་ཞིང་ཟས་མི་ལེན།། ལངས་འདུག་འགྲོ་བའི་སྟོབས་ཀུན་ཟད།། ཆུ་ནི་ཆུ་ལ་ཐིམ་པའི་ཚེ། ཁ་ཆུ་སྣ་ཆུ་འཛག་པར་བྱེད།། དེ་བཞིན་མེ་ལ་མེ་ཐིམ་པས། ཁ་སྣ་དག་ནི་རབ་ཏུ་སྐམ།། ལུས་ཀྱི་མཐའ་ཡི
321b3 དྲོད་རྣམས་འཆོར།། དེ་བཞིན་རླུང་ལ་རླུང་ཐིམ་པས།། དབུགས་ནི་ངར་ངར་ཡན་ལག་གཡོ་བ།། མིག་ཀྱང་གྱེན་ལ་བཟློག་པའོ།། རྟགས་འདི་སུ་ལ་བྱུང་བ་དེ།། འདི་ལ་མི་གནས་ཕ་རོལ་ཏུ།། ངེས་པ་རུ་ནི་འགྲོ་བས
321b4 ན།། དེ་ཚེ་བླ་མའི་གདམས་ངག་རྣམས།། རང་གི་རྒྱུད་ལ་འདྲིས་པར་བྱ།། དོན་འདི་རྣམས་ཀྱིས་གསལ་ཡང་གདབ།། གལ་ཏེ་དེ་དག་མི་གསལ་ན།། རང་གི་བླ་མ་བཞུགས་ན་རབ།། བླ་མ་མེད་ན་རྡོ་རྗེའི
321b5 སྤུན།། ལྟ་སྤྱོད་མཐུན་ཅིང་དམ་གཙང་བས།། ཤེས་པ་གསལ་ཡང་གདབ་པར་བྱ།། གལ་ཏེ་ཕྱི་དབུགས་ཆད་ན་ནི།། རླུང་སྦྱང་འཕོ་བའི་གནད་བྱས་ཏེ།། གདམས་པ་བཏབ་པས་ངེས་པར་ཐེབས།། གདམས་པའི
321b6 གནད་ནི་འདི་ལྟར་གདབ།། ཕུང་པོ་སེང་གེའི་ཉལ་ལུགས་བཅོས།། རིག་པ་ཉིད་ནི་མིག་ལ་གཏད།། ཡིད་དང་ཤེས་པ་བར་སྣང་ལ།། དབྱིངས་དང་རིག་པ་མི་འགྱུར་གཏད།། ས་ལེ་ཧྲི་གེ་སང་ངེ་བཞག། སྐྲ
iiif viewer powered by OpenSeadragon
