| e-texts navigator |
| Wylie |
321a1 བསྐུར་ཞུ།། ཟློག་པ་བསྐང་གསོ་དག་ལ་འབད།། དགེ་སྦྱོར་གདམས་པའི་གནད་ལ་འབུངས།། དེ་ཡིས་བར་ཆད་ཞི་བར་འགྱུར།། ནང་ལྟར་བྱུང་ན་བསླུ་བ་ནི།། གྲོ་ག་རས་སམ་ཤིང་ཤུན་ལ།། འབྱུང་བ
321a2 ལྔ་ཡི་འཁོར་ལོ་ནི།། རྩིབས་བཞི་ལྟེ་བ་མུ་ཁྱུད་བཅས།། ས་ཆུ་མེ་རླུང་ནམ་མཁའ་ཡི།། རང་རང་ས་བོན་རེ་རེ་དགོད།། མུ་ཁྱུད་ཨཱ་ལི་ཀཱ་ལིས་བསྐོར།། དེ་ལྟར་འཁོར་ལོ་ལྔ་བྲིས་ལ།། རང་རང་ས་བོན་ལོ་གྲངས
321a3 བཀོད།། འབྱུང་བའི་ལྷ་ལྔ་དགུག་ཅིང་བསྟིམ།། ཤིང་མེ་ས་ཆུ་སྣ་ཚོགས་དང་།། སེམས་ཅན་ཁ་རླངས་བསྒྲེས་པའི་ཟན།། ངར་གླད་དབང་པོ་དོད་པར་བྱ།། ལོ་གྲངས་གླད་ཀྱིས་ཐ་མ་བསྐོར།། གཏོར་མ་ཆང་བུ་དེ་ལྟར
321a4 རོ།། སྔགས་དང་ཕྱག་རྒྱས་བྱིན་གྱིས་བརླབ།། རྡོ་རྗེའི་ཚིག་བརྗོད་ཆུ་ལ་བསྐུར།། འཆི་བ་ལོ་གསུམ་བར་དུ་བཟློག། ཤིན་ཏུ་ཟབ་པས་ཉམས་སུ་བླང་།། གསང་བའི་འཆི་བ་བསླུ་བ་ནི།། མཐུན་རྐྱེན་བསོད་ནམས
321a5 སྐྱེས་པ་ལ།། རབ་ཀྱིས་ཆོས་ཉིད་རོལ་པར་ཁྱེར།། འབྲིང་གིས་ཞེན་ཆགས་སྒྱུ་མར་སྦྱང་།། ཐ་མས་རི་དྭགས་བཞིན་དུ་བྲོས།། མཆོག་ལ་བརྟན་པ་མ་ཐོབ་པར།། ཆོས་ཉིད་ངང་ལས་འགྱུར་མི་བྱ།། ཅིར་སྣང་རང་གི
321a6 སེམས་ཡིན་པས།། རང་དུ་ཟག་བཅད་ཡང་སྤངས།། སེམས་ལ་བལྟས་པས་གྲུབ་པ་མེད།། དེ་ཡིས་འཁྲུལ་པ་ཞིག་པ་ཡིན།། འཁྲུལ་པ་ཞིག་ན་སངས་རྒྱས་ཡིན།། སྐད་ཅིག་དེ་ཡིས་གྲོལ་བར་འགྱུར།། གསང་བའི
iiif viewer powered by OpenSeadragon
