| e-texts navigator |
| Wylie |
320b1 ལོངས་སྤྱོད་གོད་པ་དང་།། རང་སེམས་ཕྱད་ཕྱོད་རྨི་ལམ་འཁྲུག། དགེ་སྦྱོར་མི་ནུས་འདུག་མི་ཚུགས།། རྨི་ལམ་ངན་ཞིང་བྲེད་སྔངས་འབྱུང་།། གདམས་ངག་མི་གསལ་ལོག་ལྟ་སྐྱེ།། སྔར་སྤྱོད་འགྱུར་ཞིང་ཆགས་སྡང
320b2 རགས།། བར་ཆད་ཞུགས་པའི་རྟགས་ཡིན་ནོ།། ནང་དུ་འབྱུང་བའི་པྲ་འགྱུར་བས།། དེ་ཕྱིར་ནང་གི་ཚེ་གཟུགས་བརྟག། སྤྱི་གཙུག་རལ་ནག་མི་གསལ་དང་། ཁ་དོག་སྣ་ཚོགས་ཡན་ལག་མེད།། དྲག་པོ་དབང་དང་ཞི
320b3 བའི་གཟུགས།། ཡན་ལག་འཁུམས་སམ་ཁ་དོག་ལ།། བར་ཆད་བྱུང་ན་ནང་གི་རྟགས།། གསང་བ་སེམས་ལ་འཆར་བ་སྟེ།། བླ་མ་ཡི་དམ་མཁའ་འགྲོ་འམ།། ཆོས་སྐྱོང་གཟུགས་ཀྱི་ལུང་སྟོན་དང་།། མངོན་ཤེས་རྫུ
320b4 འཕྲུལ་ནུས་མཐུ་རྣམས།། བསྒྲུབ་པ་མ་བྱས་སྟོན་པར་ནུས།། སྙིང་རྗེ་མི་འདུ་གཡེང་བ་སྐྱེ།། བརྒྱུད་དང་འཕྲལ་དངོས་འཇམ་རྩུབ་ཏུ།། རྣལ་འབྱོར་པ་ལ་བར་ཆད་བྱེད།། ང་རྒྱལ་ཕྲག་དོག་རེ་དོགས་དང་།། རློམ
320b5 སེམས་ཞེན་པའི་བདུད་ཀྱིས་ཁྱེར།། དེ་ཡིས་ཚེ་དང་མཆོག་ལ་སྒྲིབ།། རྣལ་འབྱོར་དོན་གཉིས་འགྲུབ་མི་འགྱུར།། དེས་ན་ཟབ་མོའི་གདམས་པ་འདི།། གཅེས་པར་གྱིས་ལ་ཡིད་ལ་ཟུང་།། དེ་ལྟར་ཕྱི་ནང་གསང་བ
320b6 ཡི།། འཆི་ལྟས་བྱུང་ན་བསླུ་བ་ནི།། ཕྱི་ཡི་འཆི་ལྟས་བྱུང་དུས་སུ།། བར་ཆད་ཡིན་པས་དྲན་པས་བཟུང་།། བསོད་ནམས་ཚོགས་སོགས་གྲུབ་ཚད་བྱ།། བླ་མ་བརྟེན་ཅིང་གསོལ་བ་བཏབ།། མོས་གུས་བསྐྱེད་ལ་དབང
iiif viewer powered by OpenSeadragon
