| e-texts navigator |
| Wylie |
320a1 བར་དོ་ལ།། རང་སྣང་ཀུན་ལ་ཡིད་ཆེས་བྱ།། སྲིད་པར་འཁྱམས་པའི་བར་དོ་ལ།། ལས་ཀྱི་འཕྲོ་མཐུང་ཞེན་ཆགས་སྤངས།། དང་པོ་སྐྱེ་གནས་པར་དོ་ཡི།། ཤེས་བྱའི་གྲས་ཟག་བཅད་པ་ལ།། མཚན
320a2 ཉིད་ལྡན་པའི་བླ་མ་བརྟེན།། ཐོས་པས་ཕྱི་ཡི་སྒྲོ་འདོགས་བཅད།། བསྒོམ་པས་ནང་གི་སྒྲོ་འདོགས་བཅད།། ཤེས་བྱས་ཡུལ་གྱི་གྲས་ཟག་བཅད།། འདུས་པས་སེམས་ཀྱི་གྲས་ཟག་བཅད།། སྣང་སེམས་གཉིས་མེད
320a3 གྲས་ཐག་བཅད།། གསང་བར་ཁྲེགས་ཆོད་གཏན་ལ་དབབ།། ཡང་གསང་ཐོད་རྒལ་གཏན་ལ་དབབ།། རྟགས་ཚད་གདེང་དང་ལྡན་པར་བྱ།། ཞེས་གསུངས་ནས་ལྷན་ནེར་བཞུགས་སོ།། ཐེག་པའི་སྤྱི་ཕུད་ཀློང་ཆེན
320a4 རབ་འབྱམས་ཀྱི་རྒྱུད་ལས། བར་དོ་སྤྱིའི་རྣམ་གཞག་བསྟན་པ་དང་། སྐྱེ་ཤི་བར་དོའི་གདམས་པ་བསྟན་པའི་ལེའུ་སྟེ་ཞེ་བདུན་པའོ།། །། ས་མ་ཡ། རྒྱ་རྒྱ་རྒྱ། སེམས་དཔའ་རྡོ་རྗེས་ཡང་ཞུས་པ།། ཀྱེ་ཧོ་སྟོན
320a5 པ་ཀུན་ཏུ་བཟང་།། སྐྱེ་གནས་པར་དོ་དེ་ལྟར་ན།། འཆི་ཁའི་བར་དོ་ཇི་ལྟར་འཆར།། སྟོན་པས་ལན་དུ་བཀའ་སྩལ་པ།། ཨ་ཧོ་སེམས་དཔའ་རྡོ་རྗེ་ཉོན།། འཆི་ཁ་མ་ཡི་བར་དོ་ལ།། དང་པོ་འཆི་བ་བརྟག་ཅིང
320a6 བསླུ།། མ་ཟློགས་གདམས་པའི་གསལ་ཡང་གདབ།། འཆི་རྟགས་ཕྱི་ནང་གསང་གསུམ་སྟེ།། ཕྱི་ཡི་འཆི་ལྟས་མཚན་མ་ནི།། མི་མཐུན་ཕྱོགས་རྣམས་ཐོག་ཏུ་འབྱུང་།། དབང་པོ་མི་གསལ་ཚིག་པ་ཟ།། ནོར་དང
iiif viewer powered by OpenSeadragon
