| e-texts navigator |
| Wylie |
319b1 པའོ།། ཆོས་ཉིད་བར་དོའི་ཆོས་ཉིད་ནི།། ཕུང་པོ་མེད་ཅིང་ཟག་བཅས་བྲལ།། ཞི་བའི་སྐུ་དང་ཁྲོ་བོའི་སྐུ།། ཡེ་ཤེས་འོད་དང་ཁ་དོག་དང་།། ཐིག་ལེ་མཆེད་དང་འབྱུང་སྣང་དག། སྣང་བ་ཐམས་ཅད་བདེ་ཆེན
319b2 ཞིང་།། རང་སྣང་དག་པར་ཀུན་སྣང་སྟེ།། ཅིར་སྣང་ཆོས་ཉིད་གཞལ་ཡས་སོ།། སྲིད་པ་བར་དོའི་ཆོས་ཉིད་ནི།། ཤ་ཁྲག་རང་གི་གཟུགས་བྲལ་ནས།། སྒྱུ་མ་ཡིད་ཀྱི་གཟུགས་ཅན་དེས།། ཆོས་ཉིད་བདེན་པའི་དོན་མ
319b3 མཐོང་།། འོད་སྣང་ཀུན་ལ་བྲེད་སྔངས་ནས།། སྟོང་གསུམ་ཀུན་ཏུ་ཡིད་ཀྱིས་རྒྱུ།། བྱ་སྒོ་རླུང་གིས་ཁྱེར་བ་བཞིན།། ཕྱད་ཕྱོད་ཡང་ཡུད་སྙོམས་ཤིང་འཇུག། བན་བུན་ལང་ལོང་རྨི་ལམ་འདྲ།། ས་གཅིག་མི་ཚུགས་ཚིག
319b4 པ་ཟ།། གར་སླེབ་ལ་སོགས་རིགས་དྲུག་འོད།། སོ་སོའི་དམིགས་པ་སྣང་བའོ།། ས་མཚམས་སྐྱེ་གནས་བར་དོ་ནི།། མ་ལ་སྐྱེས་ནས་འཆི་རྐྱེན་གྱི།། ནད་ཀྱིས་བཏབ་པ་ཚུན་ཆད་དོ།། འཆི་ཁའི་བར་དོ་ནད་ཐེབས
319b5 ནས།། ནང་དབུགས་ཆད་པ་ཚུན་ཆད་དོ།། ཆོས་ཉིད་བར་དོ་དབུགས་ཆད་ནས།། ལྷུན་གྲུབ་སྣང་བ་ཤར་བའོ།། སྲིད་པ་བར་དོའི་ས་མཚམས་ནི།། ལྷུན་གྲུབ་སྣང་བ་ཡོངས་ཐིམ་ནས།། མངལ་དུ་ཆུད་པ་ཚུན་ཆད
319b6 དོ།། སྣང་ལུགས་གདམས་པའི་གནད་བཞི་བསྟན།། རང་བཞིན་སྐྱེ་གནས་པར་དོ་ལ།། ཤེས་བྱའི་གྲས་ཟག་གཅད་པར་བྱ།། འཆི་ཁ་མ་ཡི་བར་དོ་ལ།། གདམས་པ་རྣམས་ལ་གསལ་ཡང་གདབ།། ཆོས་ཉིད་ཞི་ཁྲོའི
iiif viewer powered by OpenSeadragon
